Football: ಫುಟ್‌ಬಾಲ್‌ ಆಡುವಾಗಲೇ ಸಿಡಿಲು ಬಡಿದು ಸಾವು!

ಬಾಂಡುಂಗ್‌ (ಇಂಡೋನೇಷ್ಯಾ): ಫ‌ುಟ್‌ಬಾಲ್‌ ಆಡುತ್ತಿರುವಾಗಲೇ ಸಿಡಿಲು ಬಡಿದು ಆಟಗಾರನೊಬ್ಬ ದಾರುಣವಾಗಿ ಮೃತಪಟ್ಟ ಘಟನೆ ಇಂಡೋನೇಷ್ಯಾದಲ್ಲಿ ಸಂಭವಿಸಿದೆ.

ಪಶ್ಚಿಮ ಜಾವಾದ ಬಾಂಡುಂಗ್‌ನ “ಸಿಲಿವಾಂಗಿ ಸ್ಟೇಡಿಯಂ” ನಲ್ಲಿ “2 ಎಫ್ಎಲ್‌ಒ ಎಫ್ಸಿ” ಮತ್ತು “ಎಫ್ಬಿಐ ಸುಬಾಂಗ್‌” ತಂಡಗಳ ನಡುವೆ ಸೌಹಾರ್ದ ಫ‌ುಟ್‌ಬಾಲ್‌ ಪಂದ್ಯ ನಡೆಯುತ್ತಿದ್ದಾಗ ಈ ಘಟನೆ ಸಂಭವಿಸಿತು. ಸುಬಾಂಗ್‌ ತಂಡದ ಆಟಗಾರ ಸಪ್ತೇನ್‌ ರಹರ್ಜಾ ಅವರಿಗೆ ಸಿಡಿಲು ಬಡಿಯಿತು. ಕೂಡಲೇ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಪ್ರಯೋಜನವಾಗಲಿಲ್ಲ. ಸಿಡಿಲಿನಿಂದ ಅವರ ದೇಹ ತೀವ್ರವಾಗಿ ಸುಟ್ಟುಹೋದ ಪರಿಣಾಮ ಉಳಿಸಿಕೊಳ್ಳಲಾಗಲಿಲ್ಲ ಎಂದು ವೈದ್ಯರು ತಿಳಿಸಿದರು.