ದಿಲ್ಲಿ IIT ಹಾಸ್ಟೆಲ್‌ ಬ್ರೇಕ್‌ ಫಾಸ್ಟ್‌ ನಲ್ಲಿ ಸತ್ತ ಇಲಿ ಪತ್ತೆ

ಹೊಸದಿಲ್ಲಿ : ದಿಲ್ಲಿ ಐಐಟಿಯ ಅರಾವಳಿ ಹಾಸ್ಟೆಲ್‌ನಲ್ಲಿ  ಮೊನ್ನೆ ಮಂಗಳವಾರ ವಿದ್ಯಾರ್ಥಿಗಳಿಗೆ ಕೊಡಲಾದ ಬ್ರೇಕ್‌ ಫಾಸ್ಟ್‌ ನಲ್ಲಿ ಸತ್ತ ಇಲಿಯೊಂದು ಪತ್ತೆಯಾಗಿರುವುದು ವರದಿಯಾಗಿದೆ.

ಈ ಗಂಭೀರ ಹಾಗೂ ಕಳವಳಕಾರಿ ವಿಷಯವನ್ನು ವಿದ್ಯಾರ್ಥಿ ವ್ಯವಹಾರಗಳ ಡೀನ್‌ ಅವರ ಗಮನಕ್ಕೆ ವಿದ್ಯಾರ್ಥಿಗಳು ತಂದಿದ್ದಾರೆ. ದೂರನ್ನು ಅನುಸರಿಸಿ ಪ್ರಕರಣದ ಬಗ್ಗೆ ತನಿಖೆ ನಡೆಸಲು ಸಮಿತಿಯೊಂದನ್ನು ರೂಪಿಸಲಾಗಿದೆ. 

ದಿಲ್ಲಿ ಐಐಟಿ ವಿದ್ಯಾರ್ಥಿಯೋರ್ವ ಫೇಸ್‌ ಬುಕ್‌ನಲ್ಲಿ ಈ ವಿಷಯವನ್ನು ಬಹಿರಂಗ ಪಡಿಸಿದ್ದಾನೆ. “ಹಾಸ್ಟೆಲ್‌ನಲ್ಲಿ ವಿದ್ಯಾರ್ಥಿಗಳಿಗೆ ಕೊಡಲಾದ ಬೆಳಗ್ಗಿನ ಉಪಾಹಾರದಲ್ಲಿನ ಚಟ್ನಿಯಲ್ಲಿ ಸತ್ತ ಇಲಿ ಬಿದ್ದಿರುವುದು ಪತ್ತೆಯಾಗಿದೆ. ‘ಇಲಿ ಚಟ್ನಿ’ ಯನ್ನು ತಿನ್ನುವ ಮಾತು ಹಾಗಿರಲಿ; ಅದನ್ನು ನೆನೆಸಿದರೇ ಹಲವಾರು ಬಗೆಯ ರೋಗಗಳನ್ನು ನಮ್ಮನ್ನು ಮುತ್ತಿಕೊಂಡಿರುವ ಭಯ ಉಂಟಾಗುತ್ತದೆ’ ಎಂದಾತ ಭೀತಿಯನ್ನು ತೋಡಿಕೊಂಡಿದ್ದಾನೆ.