ಆಂಗ್ಲ ಸುದ್ದಿವಾಹಿನಿ ಆಗಲಿದೆ ಡಿಡಿ ಇಂಡಿಯಾ

ಹೊಸದಿಲ್ಲಿ: ದೂರದರ್ಶನದ ಅಂತಾರಾಷ್ಟ್ರೀಯ ಚಾನೆಲ್‌ ‘ಡಿಡಿ ಇಂಡಿಯಾ’ವು ಇನ್ನು ಸಂಪೂರ್ಣವಾಗಿ ಆಂಗ್ಲ ಸುದ್ದಿವಾಹಿನಿಯಾಗಿ ಬದಲಾಗಲಿದೆ. ದ್ವಿಭಾಷಾ ಡಿಡಿ ನ್ಯೂಸ್‌ ಚಾನೆಲ್‌ ಇನ್ನು ಮುಂದೆ ಹಿಂದಿ ಸುದ್ದಿಯನ್ನಷ್ಟೇ ಪ್ರಸಾರ ಮಾಡಲಿದೆ. ಪ್ರಸಾರ ಭಾರತಿ ಮಂಡಳಿಯ ಇತ್ತೀಚಿನ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಉನ್ನತ ಮೂಲಗಳಿಂದ ತಿಳಿದುಬಂದಿದೆ. ಸದ್ಯ ಡಿಡಿನ್ಯೂಸ್‌ ಹಿಂದಿ ಮತ್ತು ಇಂಗ್ಲಿಷ್‌ ಭಾಷೆಯಲ್ಲಿ ಪ್ರಸಾರವಾಗುತ್ತಿದೆ.