Catholic ಸಮ್ಮೇಳನದಲ್ಲಿ ಪ್ರಧಾನಿ ಮೋದಿ ಭಾಗಿ: ಕೇರಳದ ಬಿಷಪ್‌ ತರಾಟೆ

ನವದೆಹಲಿ: ದೆಹಲಿಯಲ್ಲಿ ಆಯೋಜಿಸಲಾಗಿದ್ದ ಭಾರತೀಯ ಕ್ಯಾಥೋಲಿಕ್‌ ಬಿಷಪ್‌ ಸಮ್ಮೇಳನ(ಸಿಬಿಸಿಐ)ದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಪಾಲ್ಗೊಂಡ ಮಾರನೇ ದಿನವೇ ಕೇರಳದ ಹಿರಿಯ ಬಿಷಪ್‌ ಒಬ್ಬರು ತೀವ್ರ ವಾಗ್ಧಾಳಿ ನಡೆಸಿದ್ದಾರೆ.

“ದಿಲ್ಲಿಯಲ್ಲಿ ಬಿಷಪ್‌ರನ್ನು ಗೌರವಿಸುತ್ತಾರೆ. ಗೋದಲಿಗೆ (ಕ್ರಿಬ್‌) ಗೌರವ ನೀಡುತ್ತಾರೆ. ಇಲ್ಲಿ (ಕೇರಳದಲ್ಲಿ) ಗೋದಲಿಯನ್ನು ನಾಶ ಮಾಡುತ್ತಾರೆ’ ಎಂದು ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದಾರೆ.

ಇತ್ತೀಚೆಗೆ ಪಾಲಕ್ಕಾಡ್‌ನ‌ ಸರ್ಕಾರಿ ಶಾಲೆಗಳಲ್ಲಿ ಗೋದಲಿಗಳನ್ನು ನಾಶ ಮಾಡಲಾಗಿತ್ತು. ಗೋದಲಿ ನಾಶಕ್ಕೆ ಸಂಬಂಧಿಸಿದಂತೆ ವಿಎಚ್‌ಪಿ ನಾಯಕರೊಬ್ಬರನ್ನು ಬಂಧಿಸಲಾಗಿತ್ತು. ಈ ಘಟನೆಯನ್ನು ಉಲ್ಲೇಖಿಸಿ ಬಿಷಪ್‌ ಕೇಂದ್ರ ಸರ್ಕಾರದ ವಿರುದ್ಧ ವಾಗ್ಧಾಳಿ ನಡೆಸಿ, ಇಬ್ಬಗೆಯ ನೀತಿಯನ್ನು ಪ್ರಶ್ನಿಸಿದ್ದಾರೆ.