ಮೂವರು ಡಿಸ್ಚಾರ್ಜ್‌ : 69 ಜನರ ವರದಿ ನೆಗೆ‌ಟಿವ್‌

ದಾವಣಗೆರೆ: ಕೋವಿಡ್‌ನಿಂದ ಗುಣಮುಖರಾದ ತಾಯಿ, ಎರಡೂವರೆ ತಿಂಗಳ ಗಂಡುಮಗು ಹಾಗೂ ರೋಗಿ ನಂಬರ್‌ 4339 ಒಳಗೊಂಡಂತೆ ಒಟ್ಟು ಮೂವರು ಡಿಸ್ಚಾರ್ಜ್‌ ಆಗಿದ್ದಾರೆ.

ಶುಕ್ರವಾರ 9 ಜನರು ಒಳಗೊಂಡಂತೆ 956 ಜನರು ಅವಲೋಕನದಲ್ಲಿದ್ದಾರೆ. 6 ಜನರನ್ನು ಸಾಂಸ್ಥಿಕ ಕ್ವಾರಂಟೈನ್‌ನಲ್ಲಿ ಇರಿಸಲಾಯಿತು. ಒಟ್ಟು 90 ಜನರು ಸಾಂಸ್ಥಿಕ ಕ್ವಾರಂಟೈನ್‌, 674 ಜನರು ಹೋಂ ಕ್ವಾರಂಟೈನ್‌ನಲ್ಲಿದ್ದಾರೆ. ಐವರು ಸೇರಿದಂತೆ 506 ಜನರು ಆಸ್ಪತ್ರೆಯಲ್ಲಿದ್ದಾರೆ. ನಿನ್ನೆ 159 ಜನರ ಗಂಟಲು ದ್ರವ ಮಾದರಿ ಸಂಗ್ರಹಿಸಲಾಗಿದೆ.

69 ಜನರ ಗಂಟಲು ದ್ರವ ಮಾದರಿ ವರದಿ ನೆಗೆಟಿವ್‌ ಎಂದು ಬಂದಿದೆ. ಇದುವರೆಗೆ ಕೋವಿಡ್‌ ಸಂಬಂಧಿತ ಪರೀಕ್ಷೆಗೆ ಕಳಿಸಲಾಗಿದ್ದ 11,556 ಗಂಟಲು ದ್ರವ ಮಾದರಿಯಲ್ಲಿ ಇದುವರೆಗೆ 10,872 ಮಾದರಿಗಳ ಫಲಿತಾಂಶ ನೆಗೆಟಿವ್‌ ಆಗಿದೆ. ಇನ್ನೂ 461 ಮಾದರಿಗಳ ವರದಿ ಬರಬೇಕಾಗಿದೆ. ಜಿಲ್ಲೆಯಲ್ಲಿ ಒಟ್ಟು 223 ಸೋಂಕಿತರಲ್ಲಿ ಇದುವರೆಗೆ 171 ಜನರು ಆಸ್ಪತ್ರೆಯಿಂದ ಡಿಸ್ಚಾರ್ಜ್‌ ಆಗಿದ್ದಾರೆ. ಆರು ಜನರು ಮೃತಪಟ್ಟಿದ್ದರೆ, 46 ಸಕ್ರಿಯ ಪ್ರಕರಣಗಳಿವೆ.