Aradhanaa Ram: ರಾಧನಾ ಈಗ ಆರಾಧನಾ; ಹೆಸರು ಬದಲಿಸಿಕೊಂಡ ಮಾಲಾಶ್ರೀ ಪುತ್ರಿ

ಚಿತ್ರರಂಗ ಬಂದ ಬಳಿಕ ತಮ್ಮ ಮೂಲ ಹೆಸರನ್ನು ಬದಲಿಸಿಕೊಂಡು ಸಿನಿಮಾಕ್ಕಾಗಿಯೇ ಹೊಸ ಹೆಸರನ್ನು ಇಟ್ಟುಕೊಳ್ಳುವುದು ವಾಡಿಕೆ. ಇವತ್ತು ಚಿತ್ರರಂಗದಲ್ಲಿ ಇರುವ ಬಹುತೇಕರ ಮೂಲ ಹೆಸರು ಬೇರೇಯೇ ಇದೆ. ಈಗ ಈ ಸಾಲಿಗೆ ಮಾಲಾಶ್ರೀ ಪುತ್ರಿ ರಾಧನಾ ರಾಮ್‌ ಕೂಡಾ ಸೇರಿದ್ದಾರೆ. ರಾಧನಾ ತಮ್ಮ ಹೆಸರನ್ನು “ಕೊಂಚ’ ಬದಲಿಸಿಕೊಂಡಿದ್ದು, “ರಾಧನಾ’ ಮುಂದೆ “ಆ’ ಸೇರಿಸಿದ್ದಾರೆ. ಹಾಗಾಗಿ, ಅವರನ್ನು ಇನ್ನು ಮುಂದೆ “ಆರಾಧನಾ’ ಎಂದು ಕರೆಯಬಹುದು ಮತ್ತು ಹಾಗೆಯೇ ಕರೆಯಬೇಕೆಂಬ ಮನವಿ ಕೂಡಾ ಅವರದು. ಅಂದಹಾಗೆ, ರಾಧನಾ ಈಗಾಗಲೇ ದರ್ಶನ್‌ ನಾಯಕರಾಗಿರುವ “ಕಾಟೇರಾ’ ಸಿನಿಮಾದಲ್ಲಿ ನಾಯಕಿಯಾಗಿ ಎಂಟ್ರಿಕೊಟ್ಟಿದ್ದಾರೆ. ಈಗಾಗಲೇ ಬಹುತೇಕ ಚಿತ್ರೀಕರಣ ಪೂರ್ಣಗೊಂಡಿದೆ.

ಮಗಳು ಹೆಸರು ಬದಲಿಸಿಕೊಂಡಿರುವ ಕುರಿತು ಮಾತನಾಡುವ ಮಾಲಾಶ್ರೀ,”ನಾನು, ರಾಕ್‌ ಲೈನ್‌ ವೆಂಕಟೇಶ್‌ ಹಾಗೂ ತರುಣ್‌ ಸುಧೀರ್‌ ಮೂರು ಜನ ಚರ್ಚಿಸಿ ಆರಾಧನಾ ಎಂಬ ಹೆಸರನ್ನು ಆಯ್ಕೆ ಮಾಡಿದ್ದೇವೆ. ಈ ಹೆಸರು ಬರೀ ಕಾಟೇರ ಚಿತ್ರಕ್ಕೆ ಮಾತ್ರವಲ್ಲ. ಇನ್ನು ಮುಂದೆ ನನ್ನ ಮಗಳ ಹೆಸರೆ ಆರಾಧನಾ.  ಮುಂದಿನ ಚಿತ್ರಗಳಲ್ಲೂ ಆರಾಧನಾ ಎಂಬ ಹೆಸರಿನಿಂದಲೇ ಅಭಿನಯಿಸ ಲಿ¨ªಾರೆ. ತಾವೆಲ್ಲರೂ ಮುಂದೆ ಆರಾಧನಾ ಹೆಸರನ್ನೇ ಬಳಸಿಕೊಳ್ಳ ಬೇಕೆಂದು’ ಮಾಲಾಶ್ರೀ ಮನವಿ ಮಾಡಿದ್ದಾರೆ.