Rafale: ರಫೇಲ್‌ ಗಾಗಿ ನೋಯ್ಡಾದಲ್ಲಿ ಡಸಾಲ್ಟ್ ನಿರ್ವಹಣಾ ಕೇಂದ್ರ?

ನವದೆಹಲಿ: ವಾಯುಪಡೆಯಲ್ಲಿ ಬಳಕೆಯಾಗುತ್ತಿರುವ ಫ್ರಾನ್ಸ್‌ನ ಯುದ್ಧ ವಿಮಾನಗಳಾದ ರಫೇಲ್‌, ಮಿರಾಜ್‌ಗಳಿಗಾಗಿ ನೋಯ್ಡಾದಲ್ಲಿ ನಿರ್ವಹಣಾ ಕೇಂದ್ರವನ್ನು ಡಸಾಲ್ಟ್ ಶೀಘ್ರವೇ ತೆರೆಯಲಿದೆ ಎನ್ನಲಾಗಿದೆ.

ಇದಕ್ಕೆ ಸಂಬಂಧಿಸಿ ಫ್ರಾನ್ಸ್‌ನ ಕಂಪನಿ ಈಗಾಗಲೇ ಭಾರತ ಸರ್ಕಾರದೊಂದಿಗೆ ಮಾತುಕತೆ ನಡೆಸಿದ್ದು, ನಿರ್ವಹಣೆ, ದುರಸ್ತಿ ಮತ್ತು ಜೋಡಣಾ ಕೇಂದ್ರವನ್ನು ತೆರೆಯುವ ನಿರ್ಧಾರ ತಿಳಿಸಿದೆ. ಅಲ್ಲದೇ ಆತ್ಮನಿರ್ಭರ ಭಾರತ ಯೋಜನೆಯಂತೆಯೇ ಈ ನಿರ್ವಹಣಾ ಕೇಂದ್ರ ಇರಲಿದೆ ಎಂದೂ ತಿಳಿಸಿದೆ ಎನ್ನಲಾಗಿದೆ.

1980ರಲ್ಲಿ ಸೇನೆಗೆ ಸೇರ್ಪಡೆ ಮಾಡಲಾದ 50 ಮಿರಾಜ್‌ ವಿಮಾನ, ಇತ್ತೀಚೆಗೆ ಸೇರ್ಪಡೆಯಾದ 36 ರಫೇಲ್‌ಗ‌ಳನ್ನು ಭಾರತ ಬಳಕೆ ಮಾಡುತ್ತಿದೆ.