ದರ್ಶನ್‌ ‘ಚರ್ಕವರ್ತಿ’ಟ್ರೈಲರ್‌ ಮೋಡಿ:ಟ್ರೆಂಡಿಂಗ್‌ನಲ್ಲಿ ನಂಬರ್‌ 1!

ಬೆಂಗಳೂರು: ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಅಭಿನಯದ  ಬಹುನಿರೀಕ್ಷಿತ , ಬಿಗ್‌ ಬಜೆಟ್‌ ಚರ್ಕವರ್ತಿ ಚಿತ್ರದ ಟ್ರೈಲರ್‌ ಬುಧವಾರ ಬಿಡುಗಡೆಯಾಗಿದ್ದು ,ಒಂದೇ ದಿನದಲ್ಲಿ  ಕನ್ನಡ ಚಿತ್ರರಂಗದ ಸಾರ್ವಕಾಲಿಕ ದಾಖಲೆಯೆಂಬಂತೆ 9.25 ಲಕ್ಷ ಬಾರಿ ವೀಕ್ಷಣೆಗೊಳಪಟ್ಟು  ಯೂ ಟ್ಯೂಬ್‌ ಟ್ರೆಂಡಿಂಗ್‌ನಲ್ಲಿ ಭಾರತದಲ್ಲೇ ನಂಬರ್‌ 1 ಎನಿಸಿದೆ.

ಅದ್ಧೂರಿತನವನ್ನು ತೋರುತ್ತಿರುವ ಟ್ರೈಲರ್‌ ಮಿಲನ’ ಪ್ರಕಾಶ್‌ ನಿರ್ದೇಶನದ ಚಿತ್ರದ ಬಗ್ಗೆ ಇನ್ನಷ್ಟು ಕುತೂಹಲ ಹೆಚ್ಚಿಸಿದೆ. ಚಿತ್ರ ಎಪ್ರಿಲ್‌ 14 ರಂದು ಬಿಡುಗಡೆಯಾಗಲಿದೆ.

ದರ್ಶನ್‌ಗೆ ಜೋಡಿಯಾಗಿ ದೀಪಾ ಸನ್ನಿಧಿ ಕಾಣಿಸಿಕೊಂಡಿದ್ದಾರೆ. ಚಕ್ರವರ್ತಿ’ಯ ವಿಭಿನ್ನ ಗೆಟಪ್‌ ಗಳು ಸಿನಿಮಾ ಬಗ್ಗೆ ನಿರೀಕ್ಷೆ ಹುಟ್ಟಿಸಿದ್ದು, ದರ್ಶನ್‌ ಇಲ್ಲಿ ಮೂರು ಶೇಡ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಮಲೇಷ್ಯಾದಲ್ಲಿ ಸ್ಟಾರ್‌ ಕ್ರೂಸ್‌ ಪಡೆದು, ಅಲ್ಲಿ ಕೆಲವು ದಿನಗಳ ಕಾಲ ಚಿತ್ರೀಕರಣವನ್ನು ಕೂಡಾ “ಚಕ್ರವರ್ತಿ’ ತಂಡ ಮಾಡಿದೆ. ಚಿತ್ರದಲ್ಲಿ ಕುಮಾರ್‌ ಬಂಗಾರಪ್ಪ, ಸೃಜನ್‌ ಲೋಕೇಶ್‌, ಆದಿತ್ಯ ಸೇರಿದಂತೆ ಅನೇಕರು ನಟಿಸಿದ್ದಾರೆ. ಚಿತ್ರವನ್ನು ಸಿದ್ಧಾರ್ಥ್ ನಿರ್ಮಿಸಿದ್ದಾರೆ.