ಸುಬ್ರಹ್ಮಣ್ಯ: ಸುಬ್ರಹ್ಮಣ್ಯ-ಕಡಬ ರಾಜ್ಯ ಹೆದ್ದಾರಿ ನಡುವೆ ಕೈಕಂಬ ಜಂಕ್ಷನ್‌ ಬಳಿಯಿಂದ ಸ್ವಲ್ಪ ಮುಂದಕ್ಕೆ ರಸ್ತೆ
ಬದಿಯಲ್ಲಿ ವಿದ್ಯುತ್‌ ಕಂಬ ರಸ್ತೆಗೆ ಬಾಗಿದ್ದು, ಅಪಾಯಕಾರಿ ಸ್ಥಿತಿಯಲ್ಲಿದೆ. ರಸ್ತೆಯ ತಿರುವಿನಲ್ಲಿ ಈ ಅಪಾಯಕಾರಿ
ವಿದ್ಯುತ್‌ ಕಂಬ ಇದ್ದು, ಕಂಬದ ಬುಡದ ಸುತ್ತಲ ಮಣ್ಣು ಸವೆದಿದೆ.
ಕಂಬಕ್ಕೆ ಬಲ ಒದಗಿಸಲು ಜೋಡಿಸಿದ ಆಧಾರ ತಂತಿ ಕಂಬದಿಂದ ತುಂಡಾಗಿ ಬಿದ್ದಿದೆ. ಕಂಬ ರಸ್ತೆ ಕಡೆಗೆ ಬಾಗಿದೆ. ಈ ಮಾರ್ಗವಾಗಿ ನೂರಾರು ವಾಹನಗಳು ತೆರಳುತ್ತಿದ್ದು, ಕಂಬ ಬಿದ್ದು ಅಪಾಯವಾಗುವ ಸಾಧ್ಯತೆ ಇದೆ. ಇದನ್ನು ಸರಿಪಡಿಸುವಂತೆ ಸ್ಥಳೀಯರು ಮೆಸ್ಕಾಂ ಅಧಿಕಾರಿಗಳನ್ನು ಒತ್ತಾಯಿಸಿದ್ದಾರೆ.