ವರ್ಷಾಂತ್ಯದ ವೇಳೆ ದಾಂಡೇಲಿಗೆ ಹರಿದು ಬಂದ ಪ್ರವಾಸಿಗರ ದಂಡು

ದಾಂಡೇಲಿ : ವೀಕೆಂಡ್ ರಜೆ ಒಂದೆಡೆ, ಮತ್ತೊಂದೆಡೆ ಕ್ರಿಸ್ಮಸ್, ಅತ್ತ ಹೊಸ ವರ್ಷಾಚರಣೆಯ ಆಗಮನಕ್ಕೆ ದಿನಗಣನೆಯ ನಡುವೆ ದಾಂಡೇಲಿ ನಗರಕ್ಕೆ ಪ್ರವಾಸಿಗರ ದಂಡೆ ಹರಿದು ಬಂದಿದೆ. ನಗರದೆಲ್ಲೆಡೆ ಪ್ರವಾಸಿಗರ ವಾಹನಗಳು ತುಂಬಿವೆ.

ಪ್ರವಾಸೋದ್ಯಮ ಕ್ಷೇತ್ರದಲ್ಲಿ ಶರವೇಗದಲ್ಲಿ ಬೆಳೆಯುತ್ತಿರುವ ದಾಂಡೇಲಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಅದರಲ್ಲೂ ಹಬ್ಬ ಹರಿದಿನ, ವೀಕೆಂಡ್ ರಜಾ ಅವಧಿಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಪ್ರವಾಸಿಗರು ಬರುವುದು ಇತ್ತೀಚಿನ ವರ್ಷಗಳಲ್ಲಿ ಸಾಮಾನ್ಯವಾಗಿದೆ. ಅಂತೆಯೆ ಶನಿವಾರವೂ ಬೆಳಗ್ಗಿನಿಂದಲೆ ನಗರದ ಬಸ್ ನಿಲ್ದಾಣದ ಮುಂಭಾಗದ ಜೆ.ಎನ್.ರಸ್ತೆಯಲ್ಲಿ ಎಲ್ಲಿ ನೋಡಿದರೂ ಪ್ರವಾಸಿಗರ ವಾಹನಗಳ ಸಾಲು ಕಂಡು ಬಂದಿದೆ.

ಪ್ರವಾಸೋದ್ಯಮವಾಗಿ ಬೆಳೆಯುತ್ತಿರುವ ದಾಂಡೇಲಿ ಹಾಗೂ ದಾಂಡೇಲಿ ಸುತ್ತಮುತ್ತಲ ಅನೇಕ ಯುವಕರು ಪ್ರವಾಸೋದ್ಯಮ ಚಟುವಟಿಕೆಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡು ಆರ್ಥಿಕ ಸ್ವಾವಲಂಬಿಗಳಾಗುತ್ತಿರುವುದು ಸಂತಸದ ವಿಚಾರ.