“ದಮಯಂತಿ’ಮೊದಲ ದರ್ಶನ: Watch

ನಟಿ ರಾಧಿಕಾ ಕುಮಾರಸ್ವಾಮಿ “ದಮಯಂತಿ’ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಈಗಾಗಲೇ ಗೊತ್ತಿರುವ ವಿಚಾರ. ಇದೊಂದು ನಾಯಕಿ ಪ್ರಧಾನ ಸಿನಿಮಾವಾಗಿದ್ದು, ದಕ್ಷಿಣ ಭಾರತ ಭಾಷೆಗಳಲ್ಲಿ ಕನ್ನಡದಲ್ಲಿ ಮೊದಲ ಬಾರಿಗೆ ನಿರ್ಮಿಸಲಾಗುತ್ತಿದೆ. ಜೊತೆಗೆ ಉತ್ತಮ ಗ್ರಾಫಿಕ್ಸ್ ಕೂಡ ಅಳವಡಿಸಲಾಗುತ್ತಿದ್ದು, ಇದೀಗ ರಾಧಿಕಾ ಕುಮಾರಸ್ವಾಮಿ ಹುಟ್ಟುಹಬ್ಬದ ಸಂಭ್ರಮಕ್ಕೆ ಚಿತ್ರತಂಡ ಚಿತ್ರದ ಟೈಟಲ್​ ಟೀಸರ್​ ನ್ನು ರಿಲೀಸ್​ ಮಾಡಿದೆ.

ಟೀಸರ್ ತೆಲುಗಿನ “ಆರುಂಧತಿ’, “ಪಂಚಾಕ್ಷರಿ’, “ಭಾಗಮತಿ’ ತರಹಾ ಅದ್ದೂರಿ ಗ್ರಾಫಿಕ್ಸ್​ ಹಾಗೂ ಎಪಿಕ್​​ ಸ್ಟೋರಿಯನ್ನು ಒಳಗೊಂಡಿದೆ. ಅಲ್ಲದೇ ಆ ಸಿನಿಮಾಗಳ ತರವೇ ಕುತೂಹಲ ಹುಟ್ಟುಹಾಕಿದೆ​. ಸದ್ಯ ಸ್ಯಾಂಡಲ್​​​ವುಡ್​ನಲ್ಲಿ ಇದೇ ಮೊದಲ ಬಾರಿಗೆ ಮಹಿಳಾ ಪ್ರಧಾನ ಸಿನಿಮಾ ಇಷ್ಟು ದೊಡ್ಡ ಬಜೆಟ್​ನಲ್ಲಿ ತಯಾರಾಗುತ್ತಿದ್ದು, ಇದೇ ನವೆಂಬರ್​ 19ರಿಂದ “ದಮಯಂತಿ’ ಚಿತ್ರದ ಚಿತ್ರೀಕರಣ​ ಆರಂಭವಾಗಲಿದೆ.

ತಾರಾಗಣದಲ್ಲಿ ಸಾಧು ಕೋಕಿಲಾ, ತಬಲಾ ನಾಣಿ, ವಿಜಯ್ ಚೆಂಡೂರ್ ಸೇರಿದಂತೆ ಅನೇಕ ಹಾಸ್ಯ ಕಲಾವಿದರು ಪೋಷಕ ಪಾತ್ರಗಳಿಗೆ ಬಣ್ಣ ಹಚ್ಚಲಿದ್ದಾರೆ. ಇನ್ನು ನವರಸನ್ ನಿರ್ದೇಶನದಲ್ಲಿ‌ ಮೂಡಿ ಬರಲಿರೋ “ದಮಯಂತಿ’ ಸಿನಿಮಾ ಹಾರರ್ ಕಮ್ ಥ್ರಿಲ್ಲರ್ ಚಿತ್ರವಾಗಿದೆ. ಸದ್ಯ ರಾಧಿಕಾ ಕುಮಾರಸ್ವಾಮಿ ಅರ್ಜುನ್ ಸರ್ಜಾ ನಾಯಕತ್ವದ “ಕಾಂಟ್ರಾಕ್ಟ್’ ಮತ್ತು “ಭೈರಾದೇವಿ’ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ.