ಸುಟ್ಟು ಕರಕಲಾದ ದಲಿತ ವ್ಯಕ್ತಿಯ ಶವ ಪತ್ತೆ; ಕೊಲೆ ಶಂಕೆ

ಜೈಪುರ : 60 ವರ್ಷದ ದಲಿತ ವ್ಯಕ್ತಿಯೋರ್ವನ ಸುಟ್ಟು ಕರಕಲಾದ ದೇಹ ರಾಜಸ್ಥಾನದ ಭಿಲ್ವಾರಾ ಜಿಲ್ಲೆಯ ಗ್ರಾಮವೊಂದರಲ್ಲಿ ಪತ್ತೆಯಾಗಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.

ಮರಕ್ಕೆ ಕಟ್ಟಿ ಹಾಕಲ್ಪಟ್ಟ, ಸುಟ್ಟು ಕರಕಲಾದ ಮೃತ ದಲಿತ ವ್ಯಕ್ತಿಯನ್ನು ಗಂಗಾರಾಮ್‌ ಬಲಾಯ್‌ ಎಂದು ಗುರುತಿಸಲಾಗಿದೆ. 

ಮೇಲ್ನೋಟಕ್ಕೆ ಇದು ಕೊಲೆ ಎಂದು ಕಂಡು ಬರುತ್ತದೆ. ಆದರೆ ಆತನನ್ನು ಜೀವಂತ ಸುಡಲಾಯಿತೇ ಅಥವಾ ಕೊಂದು ಅನಂತರ ಮರಕ್ಕೆ ಕಟ್ಟಿ  ಸುಡಲಾಯಿತೇ ಎಂಬುದು ಗೊತ್ತಾಗಿಲ್ಲ ಎಂದು ಬಿಜೋಲಿಯಾ ಪೊಲೀಸ್‌ ಠಾಣೆಯ ಎಸ್‌ಎಚ್‌ಓ ಬಲದೇವ್‌ ರಾಮ್‌ ತಿಳಿಸಿದ್ದಾರೆ. 

ಅವಿವಾಹಿತನಾಗಿದ್ದ ದಲಿತ ವ್ಯಕ್ತಿ, ಬಹಾದ್ದೂರ್‌ ಜೀ ಕಾ ಖೇಡಾ ಪ್ರದೇಶದಲ್ಲಿ ಗಾರ್ಡನರ್‌ ಆಗಿ ದುಡಿಯುತ್ತಿದ್ದ . ಪೊಲೀಸರು ಕೊಲೆ ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.