ದಲಿತ ಯುವಕನಿಗೆ ಪೇಜಾವರಶ್ರೀ ಭಕ್ತಿದೀಕ್ಷೆ

ಉಡುಪಿ: ಶ್ರೀ ಪೇಜಾವರ ಮಠದ ಶ್ರೀ ವಿಶ್ವೇಶತೀರ್ಥ ಶ್ರೀಪಾದರು ಪರ್ಯಾಯಕ್ಕೆ ಹಿಂದೆಯೇ ಹೇಳಿದಂತೆ ನಾನಾ ವರ್ಗದ ಆಸಕ್ತ ಭಕ್ತರಿಗೆ ಭಕ್ತಿದೀಕ್ಷೆಯನ್ನು ನೀಡುತ್ತಿದ್ದಾರೆ.

ಪಡುಬಿದ್ರಿ ನಿವಾಸಿ ದಲಿತ ವರ್ಗಕ್ಕೆ ಸೇರಿದ ಪಾಂಡು ಅವರು ಗುರುವಾರ ಮಂತ್ರದೀಕ್ಷೆಯನ್ನು ಶ್ರೀಗಳಿಂದ ಪಡೆದುಕೊಂಡರು. ಪಾಂಡು ಅವರು ಅಡ್ವೆಯಲ್ಲಿ ಬ್ಲಾಕ್‌ (ಇಟ್ಟಿಗೆ) ಫ್ಯಾಕ್ಟರಿಗೆ ಕೆಲಸಕ್ಕೆ ಹೋಗುತ್ತಿದ್ದಾರೆ. ರವಿವಾರದ ರಜೆಯಲ್ಲಿ ಸುರತ್ಕಲ್‌ ಸಮೀಪದ ಹೊಸಬೆಟ್ಟಿನಲ್ಲಿ ನಡೆಯುತ್ತಿದ್ದ ಜ್ಯೋತಿಷ್ಯ ತರಗತಿಗೂ ಹೋದವರು. ಹಿಂದಿನಿಂದಲೂ ಆಧ್ಯಾತ್ಮಿಕ ಆಸಕ್ತಿ ಹೊಂದಿರುವ ಪಾಂಡು ವಿವಿಧ ಮತಧರ್ಮಗಳ ಪುಸ್ತಕಗಳನ್ನೂ ಓದಿಕೊಂಡವರು. ಜ್ಯೋತಿಷ್ಯವನ್ನು ಆಸಕ್ತಿಗೋಸ್ಕರ ಕಲಿತದ್ದು. ನಾನು ಕೆಲವು ದಿನಗಳ ಹಿಂದೆ ನಿರ್ಧರಿಸಿ ಪೇಜಾವರ ಶ್ರೀಗಳಿಂದ ಮಂತ್ರೋಪದೇಶವನ್ನು ಪಡೆದೆ ಎನ್ನುತ್ತಾರೆ ಪಾಂಡು.