ಬೈಲುಕುಪ್ಪೆಗೆ ಟಿಬೇಟಿಯನ್ನರ 14ನೇ ಧರ್ಮಗುರು ದಲೈಲಾಮಾ ಆಗಮನ

ಪಿರಿಯಾಪಟ್ಟಣ: ಟಿಬೇಟಿಯನ್ನರ 14ನೇ ಧರ್ಮಗುರು ದಲೈಲಾಮಾ ಅವರು ಲಕ್ಷ್ಮೀಪುರ ಗ್ರಾಮದ‌ ತಷಿ ಲುಂಪೂ ಮೋನಾಸ್ಟ್ರಿ ಪ್ರಾರ್ಥನಾ ಮಂದಿರದಲ್ಲಿ ಒಂದು ತಿಂಗಳು ಕಾಲ ತಂಗಲಿದ್ದು ರವಿವಾರ ಮಧ್ಯಾಹ್ನ ಬೈಲಕುಪ್ಪೆಯ ಟಿಡಿಎಲ್‌ ಶಾಲಾ ಮೈದಾನಕ್ಕೆ ಬೆಂಗಳೂರಿನಿಂದ ವಿಶೇಷ ಹೆಲಿಕಾಪ್ಟರ್‌ ಮೂಲಕ ಆಗಮಿಸಿದರು.

ಅವರ ಸ್ವಾಗತಕ್ಕಾಗಿ 10 ಸಾವಿರಕ್ಕೂ ಹೆಚ್ಚು ಟಿಬೇಟಿಯನ್ನರು 6 ಕಿ.ಮೀ ರಸ್ತೆ ಉದ್ದಕ್ಕೂ ಟಿಬೇಟಿಯನ್‌ ಮಾದರಿಯ ಉಡುಪುಗಳನ್ನು ಧರಿಸಿ ತಮ್ಮ ಧರ್ಮ ಲಾಂಛನದೊಂದಿಗೆ ಮುಂಜಾನೆ 6 ಗಂಟೆಯಿಂದಲೇ ಕಾದು ಕುಳಿತಿದ್ದರು.