ನಿಮ್ಮ ಗ್ರಹಬಲ: ಈ ರಾಶಿಯವರ ಜೀವನ ಶೈಲಿ ಬದಲಾಗುವ ಪ್ರಸಂಗ ಸಂಭವಿಸಬಹುದು

03-01-2021

ಮೇಷ: ಉದ್ಯೋಗ, ವ್ಯವಹಾರದಲ್ಲಿ ಪ್ರಗತಿ ಕಂಡು ಬರಲಿದೆ. ಆರ್ಥಿಕವಾಗಿ ಹಲವಾರು ತರಹದ ಖರ್ಚುವೆಚ್ಚಗಳು ಕಂಡುಬಂದರೂ ಇಚ್ಛಿತ ನಿರ್ಧಾರವು ಕಾರ್ಯರೂಪಕ್ಕೆ ಬರಲಿದೆ. ಅತಿಥಿ ಆಗಮನ.

ವೃಷಭ: ವಿದ್ಯಾರ್ಥಿಗಳಿಗೆ ಅಭ್ಯಾಸದಲ್ಲಿ ಹೆಚ್ಚಿನ ಆಸಕ್ತಿಯು ಮೂಡುವುದು. ನಿಮ್ಮ ಗುಣಾತ್ಮಕ ವರ್ತನೆಯಿಂದ ಹಲವು ಉತ್ತಮ ಕೆಲಸಗಳು ನಡೆದಾವು. ಮಾನಸಿಕವಾಗಿ ಚಂಚಲಿತೆ ಬಿಟ್ಟು ಬಿಡಿರಿ.

ಮಿಥುನ: ನಿಮ್ಮ ಮಾನಸಿಕ ಚಿಂತನೆಗಳು ಉತ್ತಮವಾದ ಫ‌ಲಿತಾಂಶ ನೀಡಲಿದೆ. ಮಕ್ಕಳ ವಿದ್ಯಾಭ್ಯಾಸದಲ್ಲಿ ಉನ್ನತ ಮಟ್ಟದ ಯಶಸ್ಸು ದೊರಕಲಿದೆ. ಹೊಸ ಸಾಮಾಗ್ರಿಗಳ ಖರೀದಿ ಇದ್ದೀತು.

ಕರ್ಕ: ಮನಸ್ಸಿನ ಭಾವನೆಗಳನ್ನು ಪ್ರಕಟಗೊಳಿಸುವುದು ಉತ್ತಮ. ಹಿತಮಿತ್ರರು ಅದಕ್ಕೆ ಉತ್ತಮ ದಾರಿಗಳನ್ನು ತೋರಿಸಿಯಾರು. ಧರ್ಮಕಾರ್ಯಗಳು ಮನೆಯಲ್ಲಿ ನಡೆದಾವು. ದೇಹವು ಪುಷ್ಟಿಯಾಗಲಿದೆ.

ಸಿಂಹ: ಉತ್ತಮ ಆಲೋಚನೆಗಳು ನಿಮ್ಮ ಮನಸ್ಸನ್ನು ಪ್ರಸನ್ನಗೊಳಿಸಲಿದೆ. ಯಾರೊಡನೆಯೂ ವ್ಯವಹರಿಸುವಾಗ ಜಾಗ್ರತೆ ಮಾಡಿರಿ. ನಿಮ್ಮ ಭಾವನೆಯನ್ನು ಅರ್ಥ ಮಾಡಿಕೊಳ್ಳುವುದರಲ್ಲಿ ತಪ್ಪು ಮಾಡಿಯಾರು.

ಕನ್ಯಾ: ನಿಮ್ಮತನವನ್ನು ತೋರಿಸುವಂತಹ ಕೆಲಸ ಕಾರ್ಯಗಳನ್ನು ಮಾಡಲು ಸಿದ್ಧರಾಗಿರಿ. ಮಂಗಲ ಕಾರ್ಯ ನಿಮಿತ್ತ ಪ್ರವಾಸ ಕಂಡುಬರುವುದು. ಮನೆಯ ಹಿರಿಯರ ಆಗಮನ ಹಾಗೂ ಭೇಟಿಯಿಂದ ನಿಮಗೆ ಸಂತಸ.

ತುಲಾ: ಕೌಟುಂಬಿಕವಾಗಿ ಬಂಧುಮಿತ್ರರ ಓಲೈಕೆ ಹಿತವೆನಿಸೀತು. ನಿಮ್ಮ ಕೆಲಸಗಳನ್ನು ಆತ್ಮವಿಶ್ವಾಸದಿಂದ ಮುನ್ನಡೆಸಿಕೊಂಡು ಹೋಗಿರಿ. ಪೈಪೋಟಿಗಳು ಎದುರಾದವು. ಯಾವುದೇ ವಿಚಾರದಲ್ಲಿ ಸಂಘರ್ಷಕ್ಕೆ ಇಳಿಯದಿರಿ.

ವೃಶ್ಚಿಕ: ಹಂತಹಂತವಾಗಿ ಮಾನಸಿಕ ಒತ್ತಡಗಳು ಕಡಿಮೆಯಾಗಲಿದೆ. ವೃತ್ತಿರಂಗದಲ್ಲಿ ಉನ್ನತಿಯು ಕಂಡು ಬರುವುದು. ಹಣಕಾಸಿನ ಬಗ್ಗೆ ಸಮತೋಲನವನ್ನು ಕಾಯ್ದುಕೊಳ್ಳಿರಿ. ಪ್ರಣಯ ಪ್ರಸಂಗದಲ್ಲಿ ಅಡೆತಡೆಗಳು ಇರುತ್ತವೆ.

ಧನು: ಕೆಲವೊಂದು ವಿಚಾರಗಳ ಬಗ್ಗೆ ಗೊಂದಲಗಳು ಕಂಡುಬರಬಹುದು. ತಾಳ್ಮೆಯನ್ನು ಕಾಯ್ದು ಕೊಳ್ಳಿರಿ. ಹಣಕಾಸಿನ ವಿಚಾರದಲ್ಲಿ ಬೆಳವಣಿಗೆಯ ಅವಕಾಶ ಗಳು ಕಂಡುಬರುವುದು. ಕಾರ್ಯಾನುಕೂಲವಾಗಿ ಸಂತೃಪ್ತರಾಗುವಿರಿ.

ಮಕರ: ದೂರ ಸಂಚಾರದ ಸಾಧ್ಯತೆ ಕಂಡು ಬರಲಿದೆ. ಮನೆಯಲ್ಲಿ ಪತ್ನಿ ಮಕ್ಕಳಿಂದ ಪ್ರವಾಸದ ಬೇಡಿಕೆ ಬರಲಿದೆ. ಅವಿವಾಹಿತರು ಮುಂದಿರುವ ಆಯ್ಕೆಗಳನ್ನು ಪರಿಶೀಲಿಸಿ ಮುನ್ನಡೆಯುವುದು ಅಗತ್ಯ.

ಕುಂಭ: ನಿಮಗೆ ಹಣಕಾಸಿನ ವಿಚಾರದಲ್ಲಿ ಮುಗ್ಗಟ್ಟು ತೋರಿಬಂದೀತು. ಕೊಟ್ಟ ಸಾಲವನ್ನು ಪ್ರಯತ್ನ ಬಲದಿಂದ ಹಿಂದಕ್ಕೆ ಪಡೆಯುವಂತಾದೀತು. ಸಾಂಸಾರಿಕ ಸಂಬಂಧಗಳು ಸಡಿಲಗೊಳ್ಳಲಿದೆ. ಶುಭ ವಾರ್ತೆ.

ಮೀನ: ದುಡುಕಿ ತಪ್ಪು ಹೆಜ್ಜೆ ಇಟ್ಟಲ್ಲಿ ಪ್ರತಿಕೂಲ ಪರಿಣಾಮ ಕಂಡುಬರಲಿದೆ. ನಿಮ್ಮ ಜೀವನ ಶೈಲಿ ಬದಲಾಗುವ ಪ್ರಸಂಗ ಸಂಭವಿಸಬಹುದು. ಮನೆಯ ನವೀಕರಣಕ್ಕಾಗಿ ಸ್ವಲ್ಪ ಖರ್ಚು ಕಂಡುಬರಲಿದೆ.

ಎನ್‌.ಎಸ್‌. ಭಟ್‌