ರಾಶಿ ಭವಿಷ್ಯ: ನಿಮ್ಮ ಇಂದಿನ ಗ್ರಹಬಲ ಹೇಗಿದೆ?

19-12-2020

ಮೇಷ: ಹೆಚ್ಚಿನ ವ್ಯವಹಾರಗಳೆಲ್ಲಾ ಸ್ಥಗಿತಗೊಂಡಿದ್ದು ಆರ್ಥಿಕವಾಗಿ ಕಂಗಾಲಾದ ನಿಮಗೆ ಈಗ ವೆಚ್ಚಗಿಂತ ಆದಾಯವು ಹೆಚ್ಚಾಗಿದ್ದು ಸ್ವಲ್ಪ ಸಮಾಧಾನ ತರಲಿದೆ. ಅರ್ಧಕ್ಕೆ ನಿಂತುಹೋದ ಕೆಲಸ ಪುನಾರಂಭವಾಗಲಿದೆ.

ವೃಷಭ: ದಿನವಿಡೀ ಆರೋಗ್ಯದ ಬಗ್ಗೆ ಚಿಂತೆ ಮಾಡಿಕೊಂಡಿದ್ದ ನಿಮಗೆ ಈಗ ಸ್ವಲ್ಪ ಶ್ವಾಸ ಬಿಡುವ ಹಾಗೆ ಆದೀತು. ಧರ್ಮಕಾರ್ಯಗಳಲ್ಲಿ ವಿಘ್ನ ಕಂಡು ಬಂದೀತು. ವ್ಯವಹಾರದಲ್ಲಿ ಮೋಸ, ವಂಚನೆ ಇದ್ದೀತು.

ಮಿಥುನ: ನಿಮಗೆ ಅಷ್ಟಮ ಶನಿಯ ಕಾಟವು ಈಗಲೂ ಕಾಡಲಿದೆ. ಉಷ್ಣಭಾದೆಯಾ ರಕ್ತದೋಷದಿಂದಲೊ ಆರೋಗ್ಯದಲ್ಲಿ ಹಾನಿಯಿದೆ. ಹೊಸ ಉದ್ಯೋಗ ಪ್ರಾಪ್ತಿಯ ಸಂಭವವಿದೆ. ವಿದ್ಯಾರ್ಥಿಗಳಿಗೆ ಅಡೆತಡೆಗಳಿವೆ.

ಕರ್ಕ: ಹಾಳು ವ್ಯಸನದಿಂದ ಆರೋಗ್ಯ ಕೆಡಲಿದೆ. ಅನವರತ ಅನುಗ್ರಹದಿಂದ ಅಂತಿಮವಾಗಿ ಪರಿಶ್ರಮ ಸಫ‌ಲತೆಯನ್ನು ಪಡೆಯಲಿದೆ. ಸ್ಥಾನ ಪ್ರಾಪ್ತಿ, ಸಂತತಿ ಸೌಖ್ಯವೂ ಉಂಟಾದೀತು. ಮದುವೆ ಪ್ರಸ್ತಾಪ ಬಂದೀತು.

ಸಿಂಹ: ಸ್ವಾಭಿಮಾನಿಗಳೂ, ಶೂರರೂ, ಸಾಹಸ ಶೂರರೂ ಆದ ನಿಮಗೆ ಈ ವರ್ಷ ಶುಭದ ಹೆಗ್ಗಳಿಕೆಯ ಕಾಲವೆನ್ನಬಹುದು. ಗೃಹ ಬದಲಿಯೋ ಪಿಠೊಪಕರಣಗಳ ಖರೀದಿಯಿಂದ ಖರ್ಚು ತಂದೀತು. ಮನದ ಇಚ್ಛೆ ನಡೆದೀತು.

ಕನ್ಯಾ: ಮಕ್ಕಳೇ ಶತ್ರುಗಳಂತಾದಾರು. ವಿಧಿಯು ಇತ್ತ ಕೈಕೊಟ್ಟೀತು. ಅನ್ಯ ಕಾರ್ಯ ನಿಮಿತ್ತ ದೂರ ಪ್ರಯಾಣ ಕಂಡುಬರಬಹುದು. ಆರ್ಥಿಕ ನಷ್ಟದೊಂದಿಗೆ ನ್ಯಾಯಾಲಯದ ದರ್ಶನವೂ ಆದೀತು. ಆರೋಗ್ಯದಲ್ಲಿ ಏರುಪೇರು.

ತುಲಾ: ನಿಮ್ಮ ಮನಸ್ಸು ತಕ್ಕಡಿಯಂತೆ ಡೋಲಾಯಮಾನವಾದೀತು. ಸಂದೇಹಗಳು ಹೆಚ್ಚೇ ಆದಾವು. ನೀವು ಹಾಕಿದ ಯೋಜನೆಗಳೆಲ್ಲ ಉತ್ತಮ ಆದರೆ ಅದಕ್ಕೆ ತಗಲುವ ಖರ್ಚು ಅತೀ ಹೆಚ್ಚು ಅದರ ಬಗ್ಗೆ ಆಲೋಚಿಸಿರಿ.

ವೃಶ್ಚಿಕ: ಆರಂಭದಲ್ಲಿರುವ ಧೈರ್ಯವು ನಿಧಾನವಾಗಿ ಮರೆಯಾಗಬಹುದು. ಆದರೂ ಶತ್ರು ನಿವಾರಣೆ, ಗೃಹ ಸುಖ ಶಾಂತಿಯನ್ನು ಆಗಾಗ ಪಡೆದು ನೆಮ್ಮದಿ ತಾಳುವಿರಿ. ಆರೋಗ್ಯದ ಬಗ್ಗೆ ಹೆಚ್ಚು ಗಮನ ಕೊಡಿರಿ.

ಧನು: ರಾಜಕೀಯವಾಗಿ ಸ್ಥಾನಲಾಭವಿದೆ. ಪ್ರೇಮ ಪ್ರಕರಣದ ಬಗ್ಗೆ ಮನೆಯಲ್ಲಿ ರಾದ್ದಾಂತ ಎಬ್ಬಿಸಲಿದೆ. ಬಂಧುಗಳ ಸಮಾಗಮ ಸಂತಸ ತರಲಿದೆ. ಮನೆಯಲ್ಲಿ ಮಕ್ಕಳ ಆರೋಗ್ಯ ಹಾನಿ. ವೈದ್ಯ ಸಂದರ್ಶನದಿಂದ ಖರ್ಚು.

ಮಕರ: ಧನ ಸಂಪತ್ತಿನಿಂದ ಎಲ್ಲವನ್ನೂ ಪಡೆಯಬಹುದು ಎಂಬುದು ನಿಮ್ಮ ಭ್ರಮೆ. ಉಷ್ಣವಾಯುಪೀಡೆ ಎಂದು ಅಲಕ್ಷ್ಯ ಬೇಡ. ಕಾರ್ಯಸಾಧನೆ ಉತ್ತಮವಿದ್ದರೂ ದೇಹಾಯಾಸ ಹೆಚ್ಚು. ಮನೆಯಲ್ಲಿ ಸ್ವಲ್ಪ ರಂಪಾಟವಿದ್ದೀತು.

ಕುಂಭ: ಗೃಹ-ವಾಹನಾದಿಗಳಿಂದ ಖರ್ಚು ಬಂದೀತು. ನೀರಿನಂತೆ ಹಣ ವ್ಯಯವಾದರೂ ನೆಮ್ಮದಿ ಕಾಣದು. ನಿರಂತರ ಆರ್ಥಿಕ ದುಃಸ್ಥಿತಿಯನ್ನು ಅನುಭವಿಸಿದ ನಿಮಗೆ ಬೇಸರ ತರಲಿದೆ. ಕಿರು ಪ್ರಯಾಣ ಮಾಡಬೇಕಾದೀತು.

ಮೀನ: ಹಳೇ ಮನೆ ರಿಪೇರಿಗೆಂದು ಹೋದ ನಿಮಗೆ ಹೊಸ ಮನೆ ಕಟ್ಟಿದಷ್ಟು ಹಣ ಪೋಲಾಗಲಿದೆ. ಆದರೂ ಮುಗಿಸಿದ ಸಂತೃಪ್ತಿ ನಿಮಗೆ ಸಿಗಲಿದೆ. ಕೈಗೆ ಬಂದ ಹಣವನ್ನು ಆದಷ್ಟು ಜಾಗ್ರತೆಯಿಂದ ಇಟ್ಟುಬಿಡಿರಿ.

ಎನ್.ಎಸ್ ಭಟ್