ಈ ರಾಶಿಯವರಿಗಿಂದು ಅನಾವಶ್ಯಕವಾಗಿ ಅಪವಾದ, ಅಪಮಾನ ಭೀತಿಯು ಕಾಡಲಿದೆ!

29-03-2021

ಮೇಷ: ರಾಜಕೀಯದವರಿಗೆ ಅಸಮಾಧಾನವು ಕಾಡಲಿದೆ. ಆತ್ಮೀಯರೊಡನೆ ವೃಥಾ ವಿರಸ ಕಾಡುವುದು. ಮಹತ್ವದ ವಿಚಾರದಲ್ಲಿ ದುಡುಕದೆ ಹಿರಿಯರ ಸಲಹೆ ಪಡೆದಲ್ಲಿ, ನಿಶ್ಚಿತ ರೂಪದಲ್ಲಿ ಪ್ರಗತಿ ತಂದುಕೊಟ್ಟಿàತು.

ವೃಷಭ: ದೈವಾನುಗ್ರಹದಿಂದ ಪ್ರಯತ್ನಬಲದ ಫ‌ಲಗಳು ಗೋಚರಕ್ಕೆ ಬರಲಿವೆ. ವಿದ್ಯಾರ್ಥಿಗಳಿಗೆ ಪೂರಕ ಪರೀಕ್ಷೆಯಲ್ಲಿ ಉತ್ತಮ ಯಶಸ್ಸು ಕಂಡುಬರಲಿದೆ. ಮುಂದಿನ ಅಭ್ಯಾಸಕ್ಕೆ ಅಗತ್ಯದ ಕೆಲಸ ಕಾರ್ಯ ಕೈಗೂಡಲಿದೆ.

ಮಿಥುನ: ಆಕಸ್ಮಿಕ ಧನ ಸಂಪಾದನೆ ಇದ್ದುದರಿಂದ ಹಿಂದಿನ ಋಣ ಮುಕ್ತಾಯವಾಗಲಿದೆ. ಮನದನ್ನೆಯ ಸಹಕಾರ, ಪ್ರೀತಿ, ವಿಶ್ವಾಸ ಹಿತವೆನಿಸಲಿದೆ. ವಿವಾಹಿತರಿಗೆ ಸಂತಾನಭಾಗ್ಯದ ಕುರುಹು ಕಂಡುಬರಲಿದೆ.

ಕರ್ಕ: ವೃತ್ತಿರಂಗದಲ್ಲಿ ಅಧಿಕಾರಿ ವರ್ಗಕ್ಕೆ ಸ್ಥಾನ ಪ್ರಾಪ್ತಿಯಿಂದ ಸಂತಸ ತಂದೀತು. ಕೌಟುಂಬಿಕವಾಗಿ ಉತ್ತಮ ಸಹಕಾರವು ಹಿರಿಯರಿಂದ ದೊರಕಲಿದೆ. ವ್ಯಾಪಾರ, ವ್ಯವಹಾರಗಳಲ್ಲಿ ಸಾಕಷ್ಟು ಆದಾಯವಿರದು.

ಸಿಂಹ: ಅನಿರೀಕ್ಷಿತವಾಗಿ ಹಲವು ಖರ್ಚುವೆಚ್ಚಗಳು ಕಂಡುಬಂದು ನಷ್ಟವಾದೀತು. ಅನಾವಶ್ಯಕವಾಗಿ ಅಪವಾದ, ಅಪಮಾನ ಭೀತಿಯು ನಿಮ್ಮನ್ನು ಕಾಡಲಿದೆ. ಅಭಿಮಾನಕ್ಕೆ ಪೆಟ್ಟಾದೀತು. ಸಮಾಧಾನದಿಂದ ಚಿಂತಿಸಿರಿ.

ಕನ್ಯಾ: ಸಾಮಾಜಿಕವಾಗಿ ವಿಡಂಬನೆಯಿಂದ ಮನ ನೊಂದೀತು. ಆದರೂ ತುಸು ಸಮಾಧಾನಕರ ವಾತಾವರಣದಿಂದ ಮನಸ್ಸಿಗೆ ತೃಪ್ತಿ ತಂದೀತು. ಅನಾರೋಗ್ಯವು ಸ್ವಲ್ಪ ಕಾಡಲಿದೆ. ಅವಿವಾಹಿತರಿಗೆ ವಿವಾಹ ಪ್ರಸ್ತಾವ ಬರಲಿದೆ.

ತುಲಾ: ವೃತ್ತಿರಂಗದಲ್ಲಿ ನಿಮ್ಮ ಕಾರ್ಯಸಾಧನೆಗೆ ಸಾಮಾಜಿಕವಾಗಿ ಪ್ರಶಂಸೆ ಕೇಳಿಬಂದೀತು. ಕಲೆ, ಸಂಗೀತ, ಚಿತ್ರ ಜಗತ್ತಿನಲ್ಲಿ ಆರ್ಥಿಕವಾಗಿ ಲಾಭದಾಯಕವೇ ಆದೀತು. ಸರಕಾರೀ ಕೆಲಸ ಕಾರ್ಯಗಳು ನಡೆದಾವು.

ವೃಶ್ಚಿಕ: ಚಿನ್ನ, ಬೆಳ್ಳಿಯ ಒಡವೆಗಳ ಖರೀದಿಗಾಗಿ ಧನ ವಿನಿಯೋಗವಾಗಲಿದೆ. ಸ್ಥಿರ ಉದ್ಯೋಗಿಗಳಿಗೆ ಮುಂಭಡ್ತಿಯ ಯೋಗವು ಕೂಡಿಬರುವುದು. ಆರೋಗ್ಯದಲ್ಲಿ ಶೀತ, ಪಿತ್ತೋಷ್ಣ ಪ್ರಕೋಪಗಳು ತೋರಿಬಂದೀತು.

ಧನು: ಕೌಟುಂಬಿಕವಾಗಿ ಸಹೋದರರೊಳಗೆ ಆಸ್ತಿಯ ವಿಚಾರದಲ್ಲಿ ವೈಮನಸ್ಸು ಮೂಡಿಬಂದೀತು. ವಿತ್ತ, ಖಾತೆ, ಜೀವವಿಮೆಯ ಕಚೇರಿಯಲ್ಲಿ ಉದ್ಯೋಗಿಗಳಿಗೆ ಉತ್ತಮ ಲಾಭ ಕಂಡುಬಂದೀತು. ಶುಭವಿದೆ.

ಮಕರ: ಉದ್ಯೋಗದ ಕುರಿತು ಸಂದರ್ಶನ ಎದುರಿಸಿ ಬೇಸತ್ತ ನಿರುದ್ಯೋಗಿಗಳಿಗೆ ಅನಿರೀಕ್ಷಿತ ಉದ್ಯೋಗ ದೊರೆತು ಸಂತಸವಾಗಲಿದೆ. ಮಕ್ಕಳೊಂದಿಗೆ ವಿರಸ ಮೂಡೀತು. ಪ್ರೀತಿಯಿಂದ ವರ್ತಿಸುವುದು.

ಕುಂಭ: ಪರಿವರ್ತನೆಯ ಕಾಲಚಕ್ರದ ಅನುಭವವಾಗಲಿದೆ. ಶತ್ರುಕಾಟ, ವಿರೋಧಗಳು ತಣ್ಣಗಾಗಲಿದೆ. ನಿಮ್ಮಿಷ್ಟದಂತೆ ಚಿಂತಿತ ವಿಚಾರಗಳು ಕಾರ್ಯಗತವಾಗಿ ಸಫ‌ಲವಾಗಲಿದೆ. ಋಣಭಾರದ ಚಿಂತೆ ಪರಿಹಾರವಾಗಲಿದೆ.

ಮೀನ: ಯಾತ್ರೆ, ದೇವತಾ ಸ್ಥಳಗಳ ಸಂದರ್ಶನ ಕಂಡುಬಂದೀತು. ಅವಿರತ ಕಾರ್ಯದೊತ್ತಡದಿಂದ ದೇಹಾಯಾಸ ತಂದೀತು. ನೂತನ ಮಿತ್ರಾಗಮನದಿಂದ ಕಾರ್ಯಸಾಧನೆಗೆ ಸಾಧ್ಯವಾಗಲಿದೆ. ಮುನ್ನಡೆ ಇದೆ.

ಎನ್‌.ಎಸ್‌. ಭಟ್‌