ಇಂದಿನ ಗ್ರಹಬಲ: ಈ ರಾಶಿಯವರಿಗಿಂದು ವಿವಾಹ ಪ್ರಸ್ತಾಪವು ಕೂಡಿಬಂದು ಶುಭವಾಗಲಿದೆ

07-02-2021

ಮೇಷ: ಆಕಸ್ಮಿಕ ಧನಾಗಮನದಿಂದ ಕಾರ್ಯಸಿದ್ಧಿ ಎನಿಸಿ ಮನೆಯಲ್ಲಿ ಧಾರ್ಮಿಕ ಶುಭಮಂಗಲ ಕಾರ್ಯಗಳು ನಡೆದು ಮನಸ್ಸು ಉಲ್ಲಸಿತವಾಗಲಿದೆ. ಅವಿವಾಹಿತರಿಗೆ ಯೋಗ್ಯ ಸಂಬಂಧಗಳು ಒದಗಿ ಶ್ರೀಘ್ರದಲ್ಲಿ ವಿವಾಹ ನೆರವೇರಲಿದೆ.

ವೃಷಭ: ನಿಮ್ಮ ಅತೀ ಪ್ರೀತಿಪಾತ್ರರ ಸಮಾಗಮದಿಂದ ಉತ್ಸಾಹವು ತೋರಿಬರುವುದು. ವಾಹನ ಖರೀದಿ ಯಾ ಗೃಹ ನಿರ್ಮಾಣದ ಕಾರ್ಯಕ್ಕಾಗಿ ಭೂಮಿ ಖರೀದಿ ಕಂಡುಬಂದೀತು. ಅಧಿಕ ಧನವ್ಯಯವಾದರೂ ಸಮಾಧಾನವಿದೆ.

ಮಿಥುನ: ವ್ಯಾಪಾರ, ವ್ಯವಹಾರದಲ್ಲಿ ಚೇತರಿಕೆ ಕಂಡುಬರುವುದು. ಆರ್ಥಿಕವಾಗಿ ಸಬಲರಾದ ದಿನ. ಉದ್ಯೋಗಸ್ಥರಿಗೆ ಆಕಸ್ಮಿಕ ಧನಲಾಭವು ಕಂಡುಬರುವುದು. ಸಣ್ಣ ಮಟ್ಟದ ಪ್ರಯಾಣವು ಕಂಡುಬಂದು ಸಂತಸ ನೀಡಲಿದೆ.

ಕರ್ಕ: ಹಿಂದಿನ ಕೆಲಸಕಾರ್ಯಗಳ ಬಗ್ಗೆ ಸಿಂಹಾವಲೋಕನದ ಅಗತ್ಯವಿದೆ. ಆಪ್ತ ಸ್ನೇಹಿತರ ನೆರವಿನಿಂದ ಕಾರ್ಯಾನುಕೂಲವಾಗಲಿದೆ. ಕೂಡಿಟ್ಟ ಹಣದ ಸದುಪಯೋಗವಾಗಲಿದೆ. ಉದ್ಯೋಗ ಲಾಭದ ಅವಕಾಶವನ್ನು ಬಳಸಿಕೊಳ್ಳಿರಿ.

ಸಿಂಹ: ಕಚೇರಿಯ ಕೆಲಸಕಾರ್ಯಗಳ ಭಾರವು ನಿಮ್ಮ ತಲೆಗೆ ಬರಲಿದೆ. ಆದರೂ ಅದನ್ನು ಸಫ‌ಲವಾಗಿ ಪೂರೈಸಿದರ ಬಗ್ಗೆ ಸಂತೋಷವಿದೆ. ವಿದ್ಯಾರ್ಥಿಗಳಿಗೆ ನಿರೀಕ್ಷಿತ ರೀತಿಯಲ್ಲಿ ಫ‌ಲಿತಾಂಶವು ದೊರಕಲಿದೆ. ಕಿರು ಸತ್ಕಾರ ಕೂಟದಲ್ಲಿ ಭಾಗಿ.

ಕನ್ಯಾ: ಆರೋಗ್ಯಭಾಗ್ಯ ಸಾವಕಾಶವಾಗಿ ಸುಧಾರಿಸಿ ತೃಪ್ತಿ ಕಂಡುಬರಲಿದೆ. ವ್ಯಾಪಾರಿಗಳಿಗೆ ತಕ್ಕಮಟ್ಟಿನ ಲಾಭ ಕಂಡು ಬರುವುದು. ಆಕಸ್ಮಿಕ ವಿದೇಶಿಯಾನದ ಯೋಗವು ಕಂಡುಬಂದು ಹರ್ಷವಾದೀತು. ವಿದ್ಯಾರ್ಥಿಗಳಿಗೆ ಪೂರಕವಾದ ವಾತಾವರಣ.

ತುಲಾ: ಅತೀ ಮಹತ್ವದ ವಿಚಾರದಲ್ಲಿ ದುಡುಕದೆ ವಿವೇಚನಾ ಕ್ರಮಗಳಿಂದ ಹೆಜ್ಜೆ ಇಡಬೇಕಾದೀತು. ಜಯವು ಲಭಿಸಲಿದೆ. ಬಹುದಿನಗಳಿಂದ ನಿರೀಕ್ಷೆ ಮಾಡಿದ ವಿವಾಹ ಪ್ರಸ್ತಾಪವು ಕೂಡಿಬಂದು ವಿವಾಹವಾಗಲಿದೆ. ಶುಭವಿದೆ.

ವೃಶ್ಚಿಕ: ಮಹಿಳೆಯರಿಗೆ ಅನಾವಶ್ಯಕವಾಗಿ ಋಣಾತ್ಮಕ ಚಿಂತನೆಗಳು ಕಾಡುವ ಸಂಭವವಿದೆ. ವ್ಯಾಪಾರ, ವ್ಯವಹಾರದಲ್ಲಿ ವಂಚನೆಗಳು ತೋರಿಬಂದು ವಿಶ್ವಾಸದ ದುರುಪಯೋಗವಾಗಲಿದೆ. ತಕ್ಕಮಟ್ಟಿಗೆ ಮಾತಿಗೆ ಮಾತು ಬೆಳೆಸದಿದ್ದರೆ ಉತ್ತಮ.

ಧನು: ಆರ್ಥಿಕ ಸ್ಥಿತಿಯು ಉತ್ತಮವಾಗಿದ್ದರೂ ಖರ್ಚಿನ ಭಾಗ ಹೆಚ್ಚಾಗಲಿದೆ. ಕೌಟುಂಬಿಕವಾಗಿ ಸೌಹಾರ್ದ ಕದಡಬಹುದು. ಆರೋಗ್ಯದಲ್ಲಿ ಸುಧಾರಣೆ ಕಂಡುಬರುವುದು. ಗೃಹದಲ್ಲಿ ಪತ್ನಿಯಿಂದ ಉತ್ತಮ ಸಲಹೆಗಳು.

ಮಕರ: ಸಣ್ಣಪುಟ್ಟ ಸಮಸ್ಯೆಗಳು ಎದುರಾಗಲಿದೆ. ಉನ್ನತ ಹುದ್ದೆಯ ಉದ್ಯೋಗಸ್ಥರಿಗೆ ಹಿರಿಯ ಅಧಿಕಾರಿ ವರ್ಗದವರ ಪ್ರಚೋದನೆಯಿಂದ ಆಪಾದನೆ ಕಾಡಲಿದೆ. ದೇವತಾರಾಧನೆಯಿಂದ ಪರಿಹಾರವಾಗಲಿದೆ. ಪ್ರಾರ್ಥಿಸುವುದು.

ಕುಂಭ: ವಿಲಾಸೀ ಜೀವನಕ್ಕಾಗಿ ಹೆಚ್ಚಿನ ಧನವ್ಯಯ ವಾಗಲಿದೆ. ವಾಹನ ಚಾಲನೆಯಲ್ಲಿ ಅತೀ ಜಾಗ್ರತೆ ಮಾಡುವುದು. ಗ್ರಹಗಳ ಪ್ರತಿಕೂಲತೆಯಿಂದ ಪರಿಣಾಮ ಒಳ್ಳೆಯದಿರದು ಆದರೂ ತಲೆಕೆಡಿಸದೆ ಧೈರ್ಯದಿಂದ ಮುನ್ನಡೆಯಿರಿ.

ಮೀನ: ಸಾಮಾಜಿಕ ಚಟುವಟಿಕೆಗಳು ನಿಮ್ಮ ಮನಸ್ಸಿಗೆ ಸಂತಸ ನೀಡಿದರೂ ಮಿಥ್ಯಾರೋಪ ಕಾಡಲಿದೆ. ಜಾಗರೂಕರಾಗಿರಿ. ಅವಿವಾಹಿತರಿಗೆ ಅಚ್ಚರಿಯ ವಾರ್ತೆ ಇರುತ್ತದೆ. ಕೌಟುಂಬಿಕ ಸಮಸ್ಯೆಗಳು ನಿಮಗೆ ತಲೆ ಕೆಡಿಸಲಿದೆ.

 

ಎನ್.ಎಸ್. ಭಟ್‌