ರಾಷ್ಟ್ರೀಯ ಆಯ್ಕೆಗಾರರ ಹುದ್ದೆಗೆ ತೆಂಡುಲ್ಕರ್‌, ಧೋನಿ ಅರ್ಜಿ! :

ಹೊಸದಿಲ್ಲಿ: ರಾಷ್ಟ್ರೀಯ ಆಯ್ಕೆ ಸಮಿತಿಗೆ ಸದಸ್ಯರನ್ನು ಆಯ್ಕೆ ಮಾಡುವ ಉದ್ದೇಶದಿಂದ ಅಭ್ಯರ್ಥಿಗಳ ಅರ್ಜಿಗಳನ್ನು ಪರಿಶೀಲಿಸಲು ಬಿಸಿಸಿಐ ಅಧಿಕಾರಿಗಳು ಗುರುವಾರ ಅಂಚೆ ಪಟ್ಟಿಗೆಯನ್ನು ತೆರೆಗಾಗ ಸಚಿನ್‌ ತೆಂಡುಲ್ಕರ್‌, ಧೋನಿ ಮತ್ತು ಸೆಹವಾಗ್‌ ಅವರ ಅರ್ಜಿಗಳನ್ನು ಕಂಡು ಆಶ್ಚರ್ಯಗೊಂಡರು.

ಇಷ್ಟು ಮಾತ್ರವಲ್ಲದೇ ಪಾಕಿಸ್ಥಾನದ ಮಾಜಿ ನಾಯಕ ಇಂಝಮಾಮ್‌ ಉಲ್‌ ಹಕ್‌ ಅವರು ಕೂಡ ಅರ್ಜಿ ಸಲ್ಲಿಸಿರುವುದು ಗಮನಕ್ಕೆ ಬಂದಿದೆ. ಬಿಸಿಸಿಐ ಸುಮಾರು 600ಕ್ಕೂ ಹೆಚ್ಚಿನ ಇಮೈಲ್‌ ಅರ್ಜಿಗಳನ್ನು ಸ್ವೀಕರಿಸಿದೆ. ಆದರೆ ತೆಂಡಲ್ಕರ್‌, ಧೋನಿ, ಹಕ್‌ ಮತ್ತು ಸೆಹವಾಗ್‌ ಹೆಸರಿರುವ ಅರ್ಜಿಗಳು ನಕಲಿ ಎಂದು ಹೇಳಲಾಗಿದೆ. ಕೆಲವರು ತಮಾಷೆಗಾಗಿ ಕ್ರಿಕೆಟಿಗರ ಹೆಸರಿರುವ ಅರ್ಜಿಗಳನ್ನು ಹಾಕಿರಬಹುದೆಂದು ಊಹಿಸಲಾಗಿದೆ.

ಕ್ರಿಕೆಟ್‌ ಸಲಹಾ ಸಮಿತಿಯು ಈ ಇಮೈಲ್‌ಗ‌ಳನ್ನು ಪರಿಶೀಲಿಸಿ 10 ಮಂದಿಯ ಹೆಸರನ್ನು ಆಯ್ಕೆ ಮಾಡುವ ನಿರೀಕ್ಷೆಯಿದೆ. ಆಬಳಿಕ ಅಂತಿಮ ಐವರ ಆಯ್ಕೆಯನ್ನು ಮಾಡಲಾಗುತ್ತದೆ.