ಇಬ್ಬರಿಂದ 1.29 ಕೋಟಿ ರೂ. ಮೌಲ್ಯದ ಅಕ್ರಮ ಚಿನ್ನ ಪತ್ತೆ

ಮಂಗಳೂರು: ಕಸ್ಟಮ್ಸ್‌ ಅಧಿಕಾರಿಗಳು ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ  ದುಬಾೖಯಿಂದ ಆಗಮಿಸಿದ ಇಬ್ಬರು ಪ್ರಯಾಣಿಕರಿಂದ ಒಟ್ಟು 1.29 ಕೋಟಿ ರೂ. ಮೌಲ್ಯದ ಚಿನ್ನವನ್ನು ವಶಪಡಿಸಿಕೊಂಡಿದ್ದಾರೆ.

ಒಬ್ಬನಲ್ಲಿ  1.22 ಕೋಟಿ ರೂ. ಮೌಲ್ಯದ ನಾಲ್ಕು ಚಿನ್ನದ ಗಟ್ಟಿಗಳು ಹಾಗೂ ಇನ್ನೋರ್ವನಲ್ಲಿ ಬಳಿ 7 ಲಕ್ಷ ರೂ. ಮೌಲ್ಯದ ಎರಡು ಚಿನ್ನದ ಬಿಸ್ಕಿಟ್‌ಗಳು ಪತ್ತೆಯಾಗಿವೆ. ಶನಿವಾರ ಬೆಳಗ್ಗೆ 7.55ಕ್ಕೆ, ವೇಳಾ ಪಟ್ಟಿಯ 47 ನಿಮಿಷ ಮೊದಲೇ ದುಬಾೖಯಿಂದ ಆಗಮಿಸಿದ ಜೆಟ್‌ ಏರ್‌ವೆàಸ್‌ ವಿಮಾನದಲ್ಲಿ ಅಕ್ರಮವಾಗಿ ಚಿನ್ನ ಸಾಗಾಟ ಮಾಡಿದ ಬಗ್ಗೆ  ಮಾಹಿತಿ ಪಡೆದ ಕಸ್ಟಮ್ಸ್‌ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿದರು.

ನಾಲ್ಕು ಚಿನ್ನದ ಗಟ್ಟಿಗಳನ್ನು ಸಾಗಿಸಿದ ವ್ಯಕ್ತಿ  ಅದನ್ನು ವಿಮಾನದ ಶೌಚಾಲಯದಲ್ಲಿ ಬಚ್ಚಿಟ್ಟಿದ್ದ. ಕಸ್ಟಮ್ಸ್‌ ಅಧಿಕಾರಿಗಳು ತಪಾಸಣೆ ನಡೆಸಿದಾಗ ಅದು ಪತ್ತೆಯಾಗಿದೆ. ನಾಲ್ಕು ಚಿನ್ನದ ಗಟ್ಟಿಗಳು ತಲಾ ಒಂದು ಕೆ.ಜಿ. ತೂಕವಿವೆ. 7 ಲಕ್ಷ ರೂ. ಮೌಲ್ಯದ 230 ಗ್ರಾಂ ಚಿನ್ನ ಸಾಗಿಸಿದ ವ್ಯಕ್ತಿ ಅದನ್ನು ತನ್ನ ಗುದದ್ವಾರದಲ್ಲಿ  ಬಚ್ಚಿಟ್ಟಿದ್ದ. ಈ ವಿಮಾನ ಮಂಗಳೂರಿಗೆ  ಬಂದು ಮುಂಬಯಿಗೆ ಹೋಗುವ ವಿಮಾನ ಆಗಿರುತ್ತದೆ.  ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ.