ಜಾಮೀನಿನಲ್ಲಿ ಹೊರ ಬಂದ ಕುಖ್ಯಾತ 1 ವರ್ಷದಲ್ಲಿ 60 ಅಪರಾಧ ನಡೆಸಿದ

ಬೆಂಗಳೂರು: ಬರೋಬ್ಬರಿ 17 ಅಪರಾಧ ಪ್ರಕರಣಗಳಲ್ಲಿ ಬಂಧಿತನಾಗಿ ಜೈಲು ಸೇರಿ ಜಾಮೀನಿನ ಮೇಲೆ ಹೊರಬಂದ ಕುಖ್ಯಾತನೊಬ್ಬ ಒಂದೇ ವರ್ಷದಲ್ಲಿ ಸುಮಾರು 60 ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿ ಮತ್ತೆ ಜೈಲು ಪಾಲಾಗಿರುವ ಘಟನೆ ತಲಘಟ್ಟಪುರ ಪೊಲೀಸ್‌ ಠಾಣೆ ವ್ಯಾಪ್ತಿಯಿಂದ ವರದಿಯಾಗಿದೆ.

ಬನ್ನೇರುಘಟ್ಟ ರಸ್ತೆಯ ಬಿಲವಾರದಹಳ್ಳಿಯ ಸಯ್ಯದ್‌ ಅಬೂಬಕ್ಕರ್‌ ಸಿದ್ದಿಕ್‌ ಅಲಿಯಾಸ್‌ ಸಿದ್ದಿಕ್‌ (30) ಆರೋಪಿಯಾಗಿದ್ದಾನೆ ಎಂದು ದಕ್ಷಿಣ ವಿಭಾಗದ ಡಿಸಿಪಿ ಹರೀಶ್‌ ಪಾಂಡೆ ತಿಳಿಸಿದ್ದಾರೆ.

ಇದನ್ನೂ ಓದಿ:ಪಶ್ಚಿಮ ಬಂಗಾಳದಲ್ಲಿ 13 ಅಕ್ರಮ ರೋಹಿಂಗ್ಯಾ ವಲಸಿಗರ ಬಂಧನ

ಈತನಿಂದ 65 ಸಾವಿರ ರೂ., 5 ದ್ವಿಚಕ್ರ ವಾಹನಗಳು, 9 ಲ್ಯಾಪ್‌ಟಾಪ್‌ ಗಳು, ಒಂದು ಕೆಮರಾ, ಎರಡು ಲೆನ್ಸ್‌ಗಳು, ಎರಡು ಫ್ಲಾಶ್‌ಗಳು ಸಹಿತ ಒಟ್ಟು 11.50 ಲಕ್ಷ ರೂ. ಮೌಲ್ಯದ ಸೊತ್ತುಗಳನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.