ಜಗನ್ನಾಥನ ದರ್ಶನಕ್ಕೆ ಪ್ರಮಾಣಪತ್ರ ಬೇಡ

ಪುರಿ: ಒಡಿಶಾದ ಪುರಿಯಲ್ಲಿರುವ ಜಗನ್ನಾಥ ದೇವಸ್ಥಾನಕ್ಕೆ ಭೇಟಿ ನೀಡುವ ಭಕ್ತಾದಿಗಳು ಎರಡು ಬಾರಿ ಕೊರೊನಾ ಲಸಿಕೆ ಪಡೆ ದಿರುವ ಪ್ರಮಾಣಪತ್ರ ಸಲ್ಲಿಸುವುದನ್ನು ಇತ್ತೀಚೆಗೆ ಕಡ್ಡಾಯಗೊಳಿಸಲಾಗಿತ್ತು.

ಆ ನಿಯಮವನ್ನು ಸಡಿಲಿಸಲಾಗಿದೆ. ಫೆ. 21 ರಿಂದ ದೇವಸ್ಥಾನ ಪ್ರವೇಶಿಸಲು ಪ್ರಮಾಣ­ಪತ್ರ ಅಗತ್ಯವಿಲ್ಲ ಎಂದು ತಿಳಿಸಲಾಗಿದೆ. ದೇಶದಲ್ಲಿ ಕೊರೊನಾ ಇಳಿಮುಖವಾಗಿರು­ವುದರಿಂದ ಚತ್ತೀಸ ನಿಜೊಗ್‌ (ದೇವಸ್ಥಾನದ ಉನ್ನತ ಆಡಳಿತ ಮಂಡಳಿ) ಈ ನಿರ್ಧಾರ ಮಾಡಿದೆ.

ಹಾಗೆಯೇ ಆರ್‌ಟಿಪಿಸಿಆರ್‌ ಪರೀಕ್ಷಾ ವರದಿ ಸಲ್ಲಿಕೆಯೂ ಈಗ ಅಗತ್ಯ­ವಿಲ್ಲ. ಕೊರೊನಾ ತಗ್ಗಿರುವುದು ಮತ್ತು ಜನರ ಭಾವನೆಯನ್ನು ಗೌರವಿಸಿ ಈ ನಿರ್ಧಾರ ಮಾಡಲಾಗಿದೆ ಎಂದು ಮಂಡಳಿ ತಿಳಿಸಿದೆ.