Advertisement

ಕೊವಿಡ್ ಲಸಿಕೆಯೊಂದಿಗೆ ಹಳ್ಳಿ ಹಳ್ಳಿಗೆ ಸಂಚರಿಸಲಿವೆ NEKRTC ಬಸ್

06:40 PM Jun 15, 2021 | Team Udayavani |

ಕಲಬುರಗಿ: ಕೊರೊನಾ ನಿಯಂತ್ರಣ ದ ಲಸಿಕೆ ಹಾಕಿಸಿಕೊಳ್ಳದ ಗ್ರಾಮೀಣ ಭಾಗಕ್ಕೆ ತೆರಳಿ ಲಸಿಕೆ ಹಾಕಿಸಲು ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಯ ಎರಡು ಬಸ್ಸುಗಳು ಸಿದ್ದಗೊಂಡಿವೆ.

Advertisement

ಜಿಲ್ಲಾಡಳಿತ ಸಹಯೋಗದೊಂದಿಗೆ ಸಂಸ್ಥೆ ಎರಡು ಬಸ್ ಗಳನ್ನು ವೈದ್ಯಕೀಯ ವಾಹನವನ್ನು ಸುಸಜ್ಜಿತವಾಗಿ ಸಿದ್ದಪಡಿಸಲಾಗಿದ್ದು, ಬುಧವಾರ ಚಾಲನೆ ನೀಡಲಾಗುತ್ತಿದೆ.

ವ್ಯಾಕ್ಸಿನ್ ಹೊತ್ತ ಬಸ್ ಗಳು ಇಲ್ಲಿಯವರೆಗೆ ವ್ಯಾಕ್ಸಿನ್ ಹಾಕಿಕೊಳ್ಳದ ಅದರಲ್ಲೂ ಸಮುದಾಯ ಆರೋಗ್ಯ ಕೇಂದ್ರದಿಂದ ದೂರ ಇರುವ ಹಳ್ಳಿಗೆ ತಲುಪಿ ಜನರಿಗೆ ಲಸಿಕೆ ಕೊಡಲಿವೆ. ಇದರಲ್ಲಿ ಆರೋಗ್ಯ ಇಲಾಖೆಯ ಸಿಬ್ಬಂದಿ ಇರಲಿದ್ದು ಲಸಿಕೆ ನೀಡುತ್ತಾರೆ. ಬಸ್ ಹಾಗೂ ಡ್ರೈವರ್ ಜತೆಗೆ ತೈಲ ಎನ್ಇಕೆಆರ್ಟಿಸಿ ಸಂಸ್ಥೆ ನೀಡಲಿದೆ.

ಮಂಗಳವಾರ ಎನ್ಇಕೆಆರ್ಟಿಸಿ ಸಂಸ್ಥೆ ಅಧ್ಯಕ್ಷರಾಗಿರುವ ಶಾಸಕ ರಾಜಕುಮಾರ ಪಾಟೀಲ್ ತೇಲ್ಕೂರ ಸಿದ್ದಗೊಂಡಿರುವ ಬಸ್‌ಗಳ ನ್ನು ಸಂಸ್ಥೆಯ ವಕ್೯ಶಾಪ್ ನಲ್ಲಿ ವೀಕ್ಷಿಸಿದರು.

ಇದನ್ನೂ ಓದಿ : ಅರುಣ್ ಸಿಂಗ್ ಭೇಟಿಯನ್ನು ವಿಶ್ಲೇಷಣೆ ಮಾಡುವ ಅಗತ್ಯವಿಲ್ಲ : ಬೊಮ್ಮಾಯಿ

Advertisement

ನಂತರ ಮಾತನಾಡಿದ ಅವರು, ಲಸಿಕೆಯು ಜನರಿಗೆ ವ್ಯಾಪಕವಾಗಿ ತಲುಪಿಸಲು ಅದರಲ್ಲೂ ಗ್ರಾಮೀಣ ಭಾಗದಲ್ಲಿ ಜನರು ಕೃಷಿ ಕಾಯಕದಲ್ಲಿ ತೊಡಗಿಸಿಕೊಂಡಿದ್ದರಿಂದ ಅವರ ಮನೆ ಬಾಗಿಲಿಗೆ ಹೋಗಿ ಲಸಿಕೆ ಹಾಕಲಾಗುವುದು ಎಂದು ವಿವರಣೆ ನೀಡಿದರು.

ಕಲಬುರಗಿ ಜಿಲ್ಲೆಯಲ್ಲದೇ ಇತರ ಜಿಲ್ಲೆಗಳಿಂದಲೂ ಬೇಡಿಕೆ ಬಂದಲ್ಲಿ ಬಸ್‌ಗಳ ನ್ನು ಸಿದ್ದಪಡಿಸಿ ಕೊಡಲಾಗುವುದು. ಒಟ್ಟಾರೆ ಕೊರೊನಾ ವ್ಯಾಕ್ಸಿನ್ ಎಲ್ಲರಿಗೂ ತಲುಪಿಸಿ ಕೊರೊನಾ ಹೊಡೆದೊಡಿಸಬೇಕಿದೆ ಎಂದರು.

ಈಗಾಗಲೇ 06 ಬಸ್‌ಗಳನ್ನು ಆಕ್ಸಿಜನ್ ಗೆ ನೀಡಲಾಗಿದೆಯಲ್ಲದೇ 46 ಡ್ರೈವರ್ ಗಳನ್ನು ನೀಡಲಾಗಿದೆ ಎಂದು ತೇಲ್ಕೂರ ತಿಳಿಸಿದರು.

ಎನ್ಇಕೆಆರ್ಟಿಸಿ ವ್ಯವಸ್ಥಾಪಕ ನಿರ್ದೇಶಕ ಎಂ ಕೂರ್ಮರಾವ್ ಉಪಸ್ಥಿತರಿದ್ದರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next