ಆಫ್ರಿಕದಲ್ಲಿ ಟ್ರೆಂಡ್ ಆಗುತ್ತಿದೆ ಕೋವಿಡ್ ಹೇರ್‌ಸ್ಟೈಲ್‌

ನೈರೋಬಿ: ಪ್ರಪಂಚದಾದ್ಯಂತ ಕೋವಿಡ್ ವೈರಸ್‌ ಬಗ್ಗೆ ಒಂದು ರೀತಿಯ ಭೀತಿ ಮತ್ತು ಅಸಹ್ಯದ ಭಾವನೆಯಿದ್ದರೆ ಆಫ್ರಿಕದ ಜನರು ಮಾತ್ರ ಅದನ್ನು ಹೊಸ ಹೇರ್‌ಸ್ಟೈಲ್‌ ಮಾಡಿಕೊಂಡು ಮಿಂಚುತ್ತಿದ್ದಾರೆ.

ನಿರ್ದಿಷ್ಟವಾಗಿ ಪೂರ್ವ ಆಫ್ರಿಕದಲ್ಲಿ ಈಗ ವಧುಗಳಿಗೆ ಕೋವಿಡ್ ಹೇರ್‌ಸ್ಟೈಲ್‌ ಸಖತ್‌ ಇಷ್ಟವಾಗಿದೆಯಂತೆ. ಆದರೆ ಈ ಹೇರ್‌ಸ್ಟೈಲ್‌ನ ಹಿಂದೆ ಒಂದು ದಾರುಣ ಕತೆಯೂ ಇದೆ. ಕೂದಲು ಕತ್ತರಿಸಿಕೊಳ್ಳಲು ಹಣವಿಲ್ಲದ ಕಾರಣ ಅಮ್ಮಂದಿರು ಮಕ್ಕಳ ಮುಡಿಯನ್ನು ಕೋವಿಡ್ ಆಕಾರದಲ್ಲಿ ಬಾಚಿ ಕಟ್ಟುತ್ತಿದ್ದಾರೆ. ಅದೇ ಈಗ ಅಲ್ಲಿ ಹೊಸ ಸ್ಟೈಲ್‌ ಆಗಿದೆ. ಆ ಬಳಿಕ ಕೆಲವು ಕ್ಷೌರಿಕರು ಕೂಡ ಈ ಹೇರ್‌ಸ್ಟೈಲ್‌ ಮಾಡಲಾರಂಭಿಸಿದ್ದಾರೆ.