Advertisement
ಬಳಿಕ ಮೊಹಮ್ಮದ್‌ ಹಫೀಜ್‌ ಸ್ವಯಂ ಪರೀಕ್ಷೆ ಮಾಡಿಕೊಂಡಾಗ ನೆಗೆಟಿವ್‌ ಫ‌ಲಿತಾಂಶ ಕಂಡುಬಂದಿತ್ತು. ಇದನ್ನು ಅವರು ಟ್ವೀಟ್‌ ಮಾಡಿದಾಗ ಪಿಸಿಬಿ ಗೊಂದಲಕ್ಕೆ ಸಿಲುಕಿತು. ಇದೀಗ ಪಿಸಿಬಿ ಮತ್ತೊಮ್ಮೆ ಹಫೀಜ್‌ ಅವರನ್ನು ಪರೀಕ್ಷೆಗೆ ಗುರಿಪಡಿಸಿದೆ. ಇಲ್ಲಿನ “ಶೌಕತ್‌ ಖಾನುಮ್‌ ಮೆಮೋರಿಯಲ್‌ ಹಾಸ್ಪಿಟಲ್‌’ನಲ್ಲಿ ಪರೀಕ್ಷಿಸಿದಾಗ ಮತ್ತೆ ಪಾಸಿಟಿವ್‌ ಬಂದಿದೆ ಎಂದು ವರದಿಯಾಗಿತ್ತು. ಆದರೆ ಶನಿವಾರ ಸಂಜೆ ಪ್ರಕಟನೆ ನೀಡಿದ ಪಿಸಿಬಿ, ಹಫೀಜ್‌ ಸೇರಿದಂತೆ 6 ಮಂದಿಯ ದ್ವಿತೀಯ ಟೆಸ್ಟ್‌ ಫ‌ಲಿತಾಂಶ ನೆಗೆಟಿವ್‌ ಬಂದಿದೆ ಎಂಬುದಾಗಿ ಹೇಳಿದೆ.
Related Articles
ಮೊಹಮ್ಮದ್‌ ಹಫೀಜ್‌ ಮತ್ತು ವಹಾಬ್‌ ರಿಯಾಜ್‌ ತಾವೇ ಸ್ವತಃ ಖಾಸಗಿ ಕೋವಿಡ್ ಟೆಸ್ಟ್‌ ಮಾಡಿಕೊಂಡಿದ್ದರು. ಆಗ ಇದರ ಫ‌ಲಿತಾಂಶ ನೆಗೆಟಿವ್‌ ಬಂದಿತ್ತು.
Advertisement
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಿಸಿಬಿ ಹಫೀಜ್‌ ವಿರುದ್ಧ ಶಿಸ್ತು ಕ್ರಮ ತೆಗೆದು ಕೊಳ್ಳುವ ಸಾಧ್ಯತೆ ಇದೆ ಎನ್ನಲಾಗಿತ್ತು. ಇಂಥ ನಿರ್ಧಾರಕ್ಕೆ ಬರುವ ಮುನ್ನ, ಫ‌ಲಿತಾಂಶವನ್ನು ಪ್ರಕಟಿಸುವ ಮೊದಲು ಅವರು ಪಿಸಿಬಿ ಅನುಮತಿ ಪಡೆ ಯಬೇಕಿತ್ತು. ಅವರು ಕೋವಿಡ್-19 ಪರೀಕ್ಷಾ ನಿಯಮವನ್ನು ಸಂಪೂರ್ಣವಾಗಿ ಉಲ್ಲಂ ಸಿದ್ದಾರೆ ಎಂದು ಸಿಇಒ ವಾಸಿಂ ಖಾನ್‌ ಅಸಮಾಧಾನ ವ್ಯಕ್ತಪಡಿಸಿದ್ದರು.
“ನಾನು ಈಗಾಗಲೇ ಹಫೀಜ್‌ ಅವ ರೊಂದಿಗೆ ಮಾತಾಡಿದ್ದೇನೆ. ಅವರು ವೈಯಕ್ತಿಕವಾಗಿ ಪರೀಕ್ಷೆ ಮಾಡಿಕೊಳ್ಳುವುದು ತಪ್ಪಲ್ಲ. ಆದರೆ ಇದನ್ನು ಮುಂಚಿತವಾಗಿ ನಮಗೆ ತಿಳಿಸಬೇಕಿತ್ತು. ಅವರೀಗ ಕ್ರಿಕೆಟ್‌ ಮಂಡಳಿಯನ್ನು ಸಮಸ್ಯೆಗೆ ತಳ್ಳಿದ್ದಾರೆ’ ಎಂದರು.
ಪಾಕ್‌ ತಂಡದಿಂದ 10 ಮಂದಿ ಔಟ್‌!ಇಂಗ್ಲೆಂಡ್‌ ಪ್ರವಾಸಕ್ಕಾಗಿ ಸಜ್ಜಾದ ಪಾಕಿಸ್ಥಾನ ತಂಡದಿಂದ ಎಲ್ಲ 10 ಮಂದಿ ಕೋವಿಡ್-19 ಸೋಂಕಿತರನ್ನು ಕೈಬಿಡಲಾಗಿದೆ. ಪಿಸಿಬಿ ಶನಿವಾರ ಈ ನಿರ್ಧಾರ ತೆಗೆದುಕೊಂಡಿತು. 20 ಕ್ರಿಕೆಟಿಗರು ಮತ್ತು 11 ಮಂದಿ ಸಹಾಯಕ ಸಿಬಂದಿ ರವಿವಾರ ಲಂಡನ್‌ ವಿಮಾನ ಏರಲಿದ್ದಾರೆ. ಮ್ಯಾಂಚೆಸ್ಟರ್‌ಗೆ ಬಂದಿಳಿದ ಬಳಿಕ ಪಾಕ್‌ ಕ್ರಿಕೆಟಿಗರು ವೂರ್ಸೆಸ್ಟರ್‌ಶೈರ್‌ಗೆ ತೆರಳುವರು. ಇಲ್ಲಿ ಇಸಿಬಿಯಿಂದಲೂ ಕೋವಿಡ್ ಪರೀಕ್ಷೆ ಇದೆ. ಬಳಿಕ 14 ದಿನಗಳ ಐಸೊಲೇಶನ್‌ಗೆ ಒಳಗಾಗಲಿದ್ದಾರೆ. ಅನಂತರವೇ ಅಭ್ಯಾಸ ಆರಂಭಿಸಲಾಗುವುದು. ಜು. 13ರಂದು ತಂಡ ಡರ್ಬಿಶೈರ್‌ಗೆ ತೆರಳಲಿದೆ.