Advertisement
ಸದ್ಯದ ಪರಿಸ್ಥಿತಿ ಸದ್ಯ ವಿದೇಶಗಳ ಎಲ್ಲ ಪ್ರಮುಖ ವಿಶ್ವವಿದ್ಯಾಲಯಗಳು ವಿದ್ಯಾರ್ಥಿಗಳ ದೈಹಿಕ ಹಾಜರಾತಿಯನ್ನು ಅಷ್ಟಾಗಿ ಬಯಸುತ್ತಿಲ್ಲ. ವಿವಿಧ ವಿಶ್ವವಿದ್ಯಾಲಯಗಳು ಕೋವಿಡ್ ವಿಚಾರದಲ್ಲಿ ವಿವಿಧ ನಿಯಮಗಳನ್ನು ಹೊಂದಿವೆ. ಆದರೆ ಹೆಚ್ಚಿನವುಗಳು ಆನ್‌ಲೈನ್‌ ತರಗತಿಗಳನ್ನು ನೆಚ್ಚಿಕೊಂಡಿವೆ. ವಿದ್ಯಾರ್ಥಿಗಳಿಗೆ ಸ್ಟಡಿ ಟೂಲ್‌ಗ‌ಳನ್ನೂ ಇವುಗಳ ಮೂಲಕವೇ ಒದಗಿಸಿಕೊಡುತ್ತಿವೆ. ಆನ್‌ಲೈನ್‌ ಲೈಬ್ರರಿಯಲ್ಲೇ ಓದಿಗೆ ಹೆಚ್ಚು ಅವಕಾಶವನ್ನೂ ನೀಡಲಾಗಿದೆ. ಆದರೆ ಕೋವಿಡ್ ಮುಂದುವರಿದು, ಸದ್ಯ ವಿದೇಶಿ ವಿಶ್ವವಿದ್ಯಾಲಯಗಳಿಗೆ ಹಣಕಟ್ಟಿದ ವಿದ್ಯಾರ್ಥಿಗಳಿಗೆ ನೀವೂ ಆನ್‌ಲೈನ್‌ನಲ್ಲೇ ಪಾಠ ಕೇಳಿಸಿಕೊಳ್ಳಿ ಎಂದರೆ? ಎಂಬ ಚಿಂತೆ ಇದೆ.
ವಿದೇಶಿ ವಿವಿಗಳಲ್ಲಿ ಅತಿ ಹೆಚ್ಚು ಮಂದಿ ವಿದ್ಯಾರ್ಥಿಗಳನ್ನು ಹೊಂದಿರುವ ದೇಶಗಳಲ್ಲಿ ಚೀನದ ಅನಂತರದ ಸ್ಥಾನ ಭಾರತದ್ದು. ವಿದೇಶಾಂಗ ಇಲಾಖೆ ಪ್ರಕಾರ, ಜು.2019ರ ವೇಳೆಗೆ 10.9 ಲಕ್ಷ ಮಂದಿ ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದಾರೆ. ಈಗ ಬ್ರಿಟನ್‌ನ ಪ್ರತಿಷ್ಠಿತ ಕೇಂಬ್ರಿಡ್ಜ್ ವಿವಿಯನ್ನೇ ತೆಗೆದುಕೊಂಡರೆ, ಅಲ್ಲಿ 2020-21ನೇ ಸಾಲಿನಲ್ಲಿ ಮುಖತಃ ನಡೆಸುವ ಎಲ್ಲ ತರಗತಿಗಳನ್ನು ರದ್ದುಪಡಿಸಲಾಗಿದೆ. ಇದರ ಬದಲಿಗೆ ವರ್ಚುವಲ್‌ ತರಗತಿ ಮತ್ತು ಆನ್‌ಲೈನ್‌ ಸ್ಟ್ರೀಮಿಂಗ್‌ ಬಗ್ಗೆ ಯೋಜಿಸಿದೆ. ಇದು 2021ರ ಬೇಸಗೆ ವರೆಗೆ ಚಾಲ್ತಿಯಲ್ಲಿರಲಿದೆ. ಇಲ್ಲಿ ಸಾಮಾನ್ಯವಾಗಿ ಅಕ್ಟೋಬರ್‌ನಿಂದ ಶೈಕ್ಷಣಿಕ ವರ್ಷ ಆರಂಭವಾಗುತ್ತದೆ.
Related Articles
ಶೈಕ್ಷಣಿಕ ಮಾರುಕಟ್ಟೆ ಕುರಿತ ಸರ್ವೇ ಒಂದರಲ್ಲಿ ಶೇ.50.89ರಷ್ಟು ಮಂದಿ ಕೋವಿಡ್‌ನಿಂದಾಗಿ ನಮ್ಮ ವಿದೇಶಿ ಕಲಿಕೆ ಆಸೆಗೆ ತಣ್ಣೀರು ಬಿದ್ದಿದೆ ಎಂದು ವಿದ್ಯಾರ್ಥಿಗಳು ಹೇಳಿದ್ದಾರೆ. ಹಾಗೆಯೇ ಶೇ.49.2ರಷ್ಟು ಮಂದಿ ಹಾಗೇನೂ ಇಲ್ಲ ಎಂದು ಹೇಳಿದ್ದಾರೆ. ಆದರೆ ಹೆಚ್ಚಿನ ಮುಂದೆ ಭವಿಷ್ಯ ಏನು ಎಂಬುದರ ಬಗ್ಗೆ ತಿಳಿದಿಲ್ಲ ಎಂದೇ ಹೇಳಿದ್ದಾರಂತೆ.
Advertisement
ಭವಿಷ್ಯದ ಬಗ್ಗೆ ಗೊಂದಲ ಇನ್‌ಸ್ಟಿಟ್ಯೂಷನ್ಸ್‌ ಎಜುಕೇಶನ್‌.ಕಾಮ್‌ ವೆಬ್‌ನಲ್ಲಿ ನಡೆಸಿದ ಸಮೀಕ್ಷೆ ಪ್ರಕಾರ, ಕೋವಿಡ್‌ನಿಂದಾಗಿ ನಾವು ವಿದೇಶದಲ್ಲಿ ಕಲಿಕೆಯ ಯೋಜನೆಯನ್ನೇ ರದ್ದುಪಡಿಸುತ್ತೇವೆ ಎಂದಿದ್ದು ಶೇ.5.4ರಷ್ಟು ಮಂದಿ ಮಾತ್ರ. ಶೇ.42.3ರಷ್ಟು ಮಂದಿ ಇನ್ನೂ ಆಶಾವಾದಿಗಳಾಗಿದ್ದು, ಕಲಿಕೆಯನ್ನು ಮುಂದೂಡುತ್ತೇವೆ ಎಂದಿದ್ದಾರಂತೆ. ಶೇ.13.5ರಷ್ಟು ಮಂದಿ ಮುಂದುವರಿಸುತ್ತೇವೆ ಎಂದು ಹೇಳಿದ್ದರೆ, ಶೇ.38.8ರಷ್ಟು ಮಂದಿ ನಮಗೆ ಈ ವಿಚಾರದಲ್ಲಿ ಇನ್ನೂ ನಿರ್ಧಾರ ತೆಗೆದುಕೊಳ್ಳಲು ಸಾಧ್ಯವಾಗಿಲ್ಲ ಎಂದು ಹೇಳಿದ್ದಾರಂತೆ. ವಿದ್ಯಾರ್ಥಿಗಳಲ್ಲಿ ಉದ್ವೇಗ, ಆತಂಕ
ಭಾರತೀಯ ವಿದ್ಯಾರ್ಥಿಗಳು ಅನೇಕರು ಕೋವಿಡ್‌ನಿಂದಾಗಿ ಉದ್ವೇಗ, ಆತಂಕಕ್ಕೆ ಒಳಗಾಗಿದ್ದಾರೆ. ಕಾರಣ ಹಲವರು ಇತ್ತೀಚೆಗೆ ತವರಿಗೆ ಮರಳಿದ್ದಾರೆ. ಅತ್ತ ತರಗತಿಗಳೂ ಇಲ್ಲ, ವೀಸಾ ಅವಧಿ ಮುಗಿಯುತ್ತಿದೆ. ಇನ್ನು ಉಳಿದುಕೊಳ್ಳುವುದಕ್ಕೆ ಇರುವ ಹಾಸ್ಟೆಲ್‌, ಮನೆ ಬಾಡಿಗೆ ಇತ್ಯಾದಿಗಳ ಒಪ್ಪಂದಗಳೂ ಮುಗಿಯುತ್ತಿವೆ. ಕೋವಿಡ್ ತೀವ್ರಗೊಂಡಾಗ ಎಲ್ಲರೂ ಬಚಾವಾದರೆ ಸಾಕು ಎಂದು ತವರಿಗೆ ಮರಳಿದ್ದರು. ಈಗ ಅಲ್ಲಿನ ಪರಿಸ್ಥಿತಿಯ ಬಗ್ಗೆ ಹೆಚ್ಚು ಆತಂಕಕ್ಕೀಡಾಗಿದ್ದಾರೆ. ಅಲ್ಲದೇ ಒಂದು ವೇಳೆ ಕಾಲೇಜುಗಳು ಶುರುವಾದರೆ ಪ್ರಯಾಣಿಸುವ ಬಗ್ಗೆ ಮರಳಿ ವಸತಿಯನ್ನು ಪಡೆಯುವ ಬಗ್ಗೆ ಚಿಂತೆ ಹೊಂದಿದ್ದಾರೆ. ಆನ್‌ಲೈನ್‌ಗೆ ಕಲಿಕೆಗೆ ಆಸಕ್ತಿ ಕಡಿಮೆ
ವಿದೇಶಗಳಲ್ಲಿ ಕಲಿಯುವ ಉದ್ದೇಶ ಹೊಂದಿದ ಹೆಚ್ಚಿನ ವಿದ್ಯಾರ್ಥಿಗಳು ತರಗತಿಯ ಪಾಠಕ್ಕೆ ಹೆಚ್ಚಿನ ಮಹತ್ವ ನೀಡಿದ್ದಾರೆ. ಇದು ವಿವಿಧ ಸರ್ವೆಗಳಲ್ಲಿ ಸಾಬೀತಾಗಿದೆ. ಶೇ.54.8ರಷ್ಟು ಮಂದಿ ಆನ್‌ಲೈನ್‌ ಕಲಿಕೆಗೆ ಒಲವಿಲ್ಲ ಎಂದಿದ್ದಾರೆ. ಶೇ.45.2ರಷ್ಟು ಮಂದಿ ಒಲವಿದೆ ಎಂದಿದ್ದಾರೆ. ವಿದ್ಯಾರ್ಥಿಗಳು ಆನ್‌ಲೈನ್‌ಗೆ ಬೆಂಬಲ ನೀಡದೇ ಇರಲು ಕಾರಣವೆಂದರೆ, ವಿದೇಶಗಳಲ್ಲಿ ಕಲಿಕೆಯ ಅನುಭವ. ಅಲ್ಲಿನ ಪಠ್ಯಕ್ರಮದ ರೀತಿ, ಪಾಠಮಾಡುವ ವಿಧಾನ, ಜೀವನ ವಿಧಾನ, ಶಿಸ್ತಿನ ಕಲಿಕೆ, ಓದುವ ಸಲಕರಣೆಗಳ ಲಭ್ಯತೆ ಇತ್ಯಾದಿಗಳ ಆಧಾರದ ಮೇಲೆ ಅಲ್ಲಿಯೇ ಕಲಿಯಬೇಕೆನ್ನುವ ಇಚ್ಛೆಯನ್ನು ಹೊಂದಿದ್ದಾರೆ.