ದೇಶದಲ್ಲಿ12-17 ವರ್ಷದ ಮಕ್ಕಳಿಗೂ ಕೊವೊವ್ಯಾಕ್ಸ್‌

ನವದೆಹಲಿ: ದೇಶದಲ್ಲಿ 12-17 ವರ್ಷದ ಮಕ್ಕಳಿಗೆ ಸಿರಂ ಇನ್‌ಸ್ಟಿಟ್ಯೂಟ್‌ನ “ಕೊವೊವ್ಯಾಕ್ಸ್‌’ ಲಸಿಕೆ ಬಳಸಬಹುದು ಎಂದು ಲಸಿಕೆ ಹಾಕಿಸುವುದಕ್ಕಾಗಿನ ರಾಷ್ಟ್ರೀಯ ತಾಂತ್ರಿಕ ಸಮಿತಿ(ಎನ್‌ಟಿಎಜಿಐ) ತಿಳಿಸಿದೆ.

ಶುಕ್ರವಾರದಂದು ಎನ್‌ಟಿಎಜಿಐ ಸಭೆ ನಡೆಸಿದ್ದು, ಅದರಲ್ಲಿ ಈ ಕುರಿತಾಗಿ ಚರ್ಚೆ ನಡೆಸಲಾಗಿದೆ. ಕೊವೊವ್ಯಾಕ್ಸ್‌ನ ವರದಿಗಳನ್ನು ಪರಿಗಣಿಸಿ ನಾವು ಈ ಸಲಹೆ ನೀಡುತ್ತಿದ್ದೇವೆ ಎಂದು ತಜ್ಞರು ತಿಳಿಸಿದ್ದಾರೆ.

ಹಾಗೆಯೇ ವಿವಿಧ ಕಾರಣಗಳಿಂದಾಗಿ ವಿದೇಶಗಳಿಗೆ ತೆರಳುವವರಿಗೆ 2ನೇ ಡೋಸ್‌ ಲಸಿಕೆ ಮತ್ತು ಮುನ್ನೆಚ್ಚರಿಕಾ ಡೋಸ್‌ ಲಸಿಕೆ ನಡುವಿನ ಅಂತರವನ್ನು 9 ತಿಂಗಳುಗಳಿಂದ 6 ತಿಂಗಳಿಗೆ ಇಳಿಸುವ ಬಗ್ಗೆಯೂ ಚರ್ಚೆ ನಡೆಸಲಾಗಿದೆ.

5 ರಿಂದ 12 ವರ್ಷದ ಮಕ್ಕಳಿಗೆ ಲಸಿಕೆ ನೀಡುವ ಬಗ್ಗೆ ಚರ್ಚೆಯಾಗುತ್ತದೆ ಎಂದು ಅಂದಾಜಿಸಲಾಗಿತ್ತಾದರೂ ಅದರ ಬಗ್ಗೆ ತಜ್ಞರು ಚರ್ಚೆ ನಡೆಸಿಲ್ಲ.