ಬದುಕಿಗೂ ಪಾಠ ಕಲಿಸಿದ ಕೋವಿಡ್

ಮಣಿಪಾಲ: ಮಾನವರು ಸಾಮಾಜಿಕ ಜೀವಿಗಳು. ಇದು ಅರಿಸ್ಟಾಟಲ್‌ ಸೇರಿದಂತೆ ಹಲವಾರು ಚಿಂತಕರು ಸ್ಪಷ್ಟಪಡಿಸಿದ್ದಾರೆ. ಇದುವರೆಗಿನ ಯಾವುದೇ ದುರಂತ ಗಳೂ ಮಾನವರ ಮೂಲತತ್ವವಾದ ಸಾಂ ಕತೆಯನ್ನು ದೂರ ಮಾಡಿರಲಿಲ್ಲ. ಆದರೆ ಕೋವಿಡ್ ಅದಕ್ಕೆ ಅಪವಾದ.

ನಾವೀಗ ಕೋವಿಡ್ ಆಧರಿಸಿ ಹೊಸ ಕಾಲಘಟ್ಟವನ್ನು ನಿರ್ಧರಿಸಬಹುದು. ಕೋವಿಡ್ ಗಿಂತ ಮೊದಲು (ಬಿ.ಸಿ.-ಬಿಫೋರ್‌ ಕೋವಿಡ್) ಮತ್ತು ಕೋವಿಡ್ ಬಳಿಕ (ಎ.ಸಿ.- ಆಫ್ಟರ್‌ ಕೋವಿಡ್) ಎಂದೂ ಯೋಚಿಸಬಹುದು.

ಇಂಗ್ಗೆಂಡ್‌ನ‌ಲ್ಲಿ 1968ರಿಂದ ಆರಂಭವಾಗಿದ್ದ ಹಾಂಗ್‌ಕಾಂಗ್‌ ಜ್ವರಕ್ಕೆ ಸುಮಾರು 80,000 ಮಂದಿ, 1957-58ರಲ್ಲಿ ಕಂಡು ಬಂದಿದ್ದ ಏಷ್ಯನ್‌ ಜ್ವರದಿಂದ 33,000 ಮಂದಿ ಬಲಿಯಾಗಿದ್ದರು. ಅವೆಲ್ಲವನ್ನೂ ಮೀರಿಸಿ ಈ ಬಾರಿಯ ಕೋವಿಡ್ ಗೆ 45,000 ಮಂದಿ ಜೀವ ತೆತ್ತಿದ್ದಾರೆ. ಹಿಂದೆ ಯಾವತ್ತೂ ಲಾಕ್‌ಡೌನ್‌ ಜಾರಿಯಲ್ಲಿರಲಿಲ್ಲ. ಈ ಬಾರಿ ಲಾಕ್‌ಡೌನ್‌ ಜಾರಿಯಲ್ಲಿದ್ದರೂ ಸಾವಿನ ಪ್ರಮಾಣ ಏರಿರುವುದು ಕೋವಿಡ್ ತೀವ್ರತೆಗೆ ಸಾಕ್ಷಿ.

ಕೋವಿಡ್ ಕಾರಣದ ಸಾವು ನೋವಿನ ಸರಿಯಾದ ಚಿತ್ರಣ ಸಿಗಬೇಕಿದ್ದರೆ ವರ್ಷಗಳೇ ಬೇಕಾದೀತು. ಇದು ಆರ್ಥಿಕತೆ ಮತ್ತು ಸಾಮಾಜಿಕ ಜೀವನವನ್ನು ಗಂಭೀರವಾಗಿ ಕಾಡಿದೆ. ಜತೆಗೆ ನಮಗೆ ಸಾಕಷ್ಟು ಬದಲಾವಣೆಯ ಪಾಠ ಕಲಿಸಿದೆ.

– ಮುಖಗವಸು ಧರಿಸುವ ಸಂಸ್ಕೃತಿ, ಸಾಮಾಜಿಕ ಅಂತರ ಬದುಕಿನ ಭಾಗವಾಗಬಹುದು. ಹೊರಗಿನ ಸಮಾಜದಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು ಖಾಸಗಿತನಕ್ಕೆ ಒತ್ತು, ದತ್ತಾಂಶ ಹಂಚಿಕೆ ಹವ್ಯಾಸ ಬೆಳೆಯಬಹುದು.

– ಮಿತವ್ಯಯ ಕೃತಿಗೆ ಬರಬಹುದು. ಅಂತಾರಾಷ್ಟ್ರೀಯ ಪ್ರವಾಸಗಳಿಗೆ ಸ್ವರ್ಯ ನಿರ್ಬಂಧ ವಿಧಿಸಿಕೊಳ್ಳುವ ಸಾಧ್ಯತೆಯಿದೆ.

– ಪ್ರಗತಿ ಮತ್ತು ವಿಜ್ಞಾನಕ್ಕೆ ಇತಿಮಿತಿಗಳಿವೆ ಎಂಬ ಭಾವನೆ ಮೂಡಬಹುದು. ಜತೆಗೆ ನಮ್ಮ ಮಧ್ಯಕಾಲೀನ ಪೂರ್ವಜರಂತೆ ಆರೋಗ್ಯ ಭೀತಿ ಕಾಡದಿರದು.

– ಧಾರ್ಮಿಕ ಪ್ರಜ್ಞೆ ಮತ್ತಷ್ಟು ಹೆಚ್ಚಿದರೂ ಅಚ್ಚರಿ ಇಲ್ಲ. ಅಭಿವ್ಯಕ್ತಿ ಸ್ವಾತಂತ್ರ್ಯ, ಸಹಿಷ್ಣುತೆ ಹೀಗೆ ಪ್ರತಿ ಪರಿಕಲ್ಪನೆಯಲ್ಲೂ ಬದಲಾವಣೆಯಾಗಬಹುದು.

– ದೇಶದ ಗಡಿಯನ್ನು ಮುಕ್ತವಾಗಿರಿಸಿಕೊಳ್ಳುವ ಬಗ್ಗೆಯೂ ಮರುಚಿಂತನೆಯ ಸಾಧ್ಯತೆಯಿದೆ. ಹಿಂದೆಲ್ಲ ಯುದ್ಧದ ಕಾಲದಲ್ಲಿ ಮಾತ್ರ ಗಡಿಮುಚ್ಚಲಾಗುತ್ತಿತ್ತು.

– ದೇಶೀಯವಾಗಿ ಹೆಚ್ಚು ಪಿಪಿಇ ಕಿಟ್‌ ಹಾಗೂ ಅಗತ್ಯ ಔಷಧ ಉತ್ಪಾದನೆ ಬಗ್ಗೆ ಸರಕಾರ ಚಿಂತಿಸಬಹುದು. ಆರೋಗ್ಯ ಕ್ಷೇತ್ರದ ಸ್ವಾವಲಂಬನೆಯ ಅಗತ್ಯದ ಕುರಿತು ಪಾಠ ಕಲಿಸಿದೆ.

– ವಲಸೆ ನೀತಿಯಲ್ಲೂ ಬದಲಾವಣೆಯ ನಿರೀಕ್ಷೆಯಿದೆ. ವಿದೇಶಿ ಉದ್ಯೋಗದ ಆಸೆಗೆ ಕಡಿವಾಣ ಬಿದ್ದೀತು. ಜನರು ತಮ್ಮ ದೇಶದ ಸುರಕ್ಷೆಯನ್ನೂ ಗಮನದಲ್ಲಿಟ್ಟುಕೊಂಡಾರು.

– ನಿರುದ್ಯೋಗ ಪ್ರಮಾಣ ಏರಿಕೆಯಾದೀತು ಹಾಗೂ ಜನರ ಆರ್ಥಿಕ ಶಕ್ತಿ ಕಡಿಮೆಯಾಗ ಬಹುದು. ಇದು ನೇರವಾಗಿ ಮತ್ತು ಪರೋಕ್ಷವಾಗಿ ಹಲವು ಬದಲಾವಣೆಗೆ ಕಾರಣವಾದೀತು.

– ಸಾಂಕ್ರಾಮಿಕ ರೋಗಗಳು, ರೋಗನಿರೋಧಕ ಶಕ್ತಿ ವೃದ್ಧಿ, ಪರಮಾಣು ಪ್ರಸರಣ ಇತ್ಯಾದಿ ಕುರಿತು ಜನರಲ್ಲಿ ಹೆಚ್ಚಿನ ಕಾಳಜಿ ಮೂಡಬಹುದು.

– ಕಂಪೆನಿಗಳು ವೆಚ್ಚ ಕಡಿತ ಮಾಡಲು ಆಲೋಚಿಸುತ್ತವೆ. ಅದು ಹೊಸ ರೀತಿಯ ಕಾರ್ಯ ಶೈಲಿಗೆ ಕಾರಣವಾದೀತು. ಮನೆಯಿಂದಲೇ ಕೆಲಸ ಎಂಬುದಕ್ಕೆ ಹೆಚ್ಚು ಮನ್ನಣೆ ಸಿಗಬಹುದು. ಸಾಲಗಳು ದುಬಾರಿಯಾದೀತು.

– ಅನೇಕ ಸರಕು ಹಾಗೂ ಸೇವೆಗಳು ದುಬಾರಿಯಾದೀತು. ಈಗ ಅಗತ್ಯ ಎಂದುಕೊಂಡಂಥವು ಮುಂದೆ ವಿಲಾಸಿ ಸಾಲಿಗೆ ಸೇರಬಹುದು. ವ್ಯಾಪಾರ-ವ್ಯವಹಾರದಲ್ಲಿ ಹಿಂದಿನ ವೈಭವ ಮರುಕಳಿ ಸಲು ದೀರ್ಘ‌ ಕಾಲ ಬೇಕಾದೀತು.