ನಟ ದಿಲೀಪ್‌ ಗೆ 2 ದಿನಗಳ ಪೊಲೀಸ್‌ ಕಸ್ಟಡಿ, ಶುಕ್ರವಾರ ಬೇಲ್‌ ವಿಚಾರಣೆ

ಕೊಚ್ಚಿ : ಈ ವರ್ಷ ಫೆಬ್ರವರಿಯಲ್ಲಿ ದಕ್ಷಿಣ ಭಾರತದ ಚಿತ್ರ ನಟಿ ಒಬ್ಬರನ್ನು ಅಪಹರಿಸಿ ಅತ್ಯಾಚಾರ ನಡೆಸಿದ್ದ ಆರೋಪದ ಮೇಲೆ ಬಂಧಿಸಲ್ಪಟ್ಟಿದ್ದ 48ರ ಹರೆಯದ ಜನಪ್ರಿಯ ನಟ ದಿಲೀಪ್‌ ಗೆ ಇಲ್ಲಿನ ಮ್ಯಾಜಿಸ್ಟ್ರೇಟರ ನ್ಯಾಯಾಲಯ ಎರಡು ದಿನಗಳ ಪೊಲೀಸ್‌ ಕಸ್ಟಡಿ ವಿಧಿಸಿದೆ. 

ಮೂರು ದಿನಗಳ ಕಸ್ಟಡಿಯನ್ನು ಯಾಚಿಸುವ ಅರ್ಜಿಯನ್ನು ಪರಿಗಣಿಸಿದ ಇಲ್ಲಿಗೆ ಸಮೀಪದ ಅಂಗಮಲಿ ನ್ಯಾಯಾಲಯ ಶುಕ್ರವಾರದ ವರೆಗೆ ದಿಲೀಪ್‌ ಅವರನ್ನು ಪೊಲೀಸ್‌ ಕಸ್ಟಡಿಗೆ ಒಪ್ಪಿಸಿತು. 

ದಿಲೀಪ್‌ ಅವರ ವಕೀಲರು ಸಲ್ಲಿಸಿರುವ ಜಾಮೀನು ಕೋರಿಕೆಯ ಅರ್ಜಿಯ ವಿಚಾರಣೆಯನ್ನು ನ್ಯಾಯಾಧೀಶರು ಅದೇ ದಿನ (ಶುಕ್ರವಾರ)ಕ್ಕೆ ನಿಗದಿಪಡಿಸಿದರು.