ಪರಿಷತ್‌ ಮತ ಎಣಿಕೆ ಇಂದು 

ಬೆಂಗಳೂರು: ವಿಧಾನಪರಿಷತ್ತಿನ 3 ಶಿಕ್ಷಕರ ಹಾಗೂ 3 ಪದವೀಧರ ಕ್ಷೇತ್ರಗಳಿಗೆ ನಡೆದ ಚುನಾವಣೆಯ ಮತ ಎಣಿಕೆ ಮಂಗಳವಾರ (ಜೂ.12) ನಡೆಯಲಿದೆ.

ಈಶಾನ್ಯ ಪದವೀಧರ ಕ್ಷೇತ್ರ, ನೈಋತ್ಯ ಪದವೀಧರ ಕ್ಷೇತ್ರ, ಬೆಂಗಳೂರು ಪದವೀಧರ ಕ್ಷೇತ್ರ,ನೈಋತ್ಯ ಶಿಕ್ಷಕ, ಆಗ್ನೇಯ ಶಿಕ್ಷಕರ ಕ್ಷೇತ್ರ,ದಕ್ಷಿಣ ಶಿಕ್ಷಕರ ಕ್ಷೇತ್ರಕ್ಕೆ ಜೂ.8ಕ್ಕೆ ಚುನಾವಣೆ ನಡೆದಿತ್ತು. 6 ಕ್ಷೇತ್ರಗಳಲ್ಲಿ 70 ಅಭ್ಯರ್ಥಿಗಳು
ಕಣದಲ್ಲಿ ಇದ್ದರು. ಬೆಳಗ್ಗೆ 8 ಗಂಟೆಯಿಂದ ಮತ ಎಣಿಕೆ ಕಾರ್ಯ ಆರಂಭವಾಗಲಿದೆ.

ಪ್ರಾಶಸ್ತ್ಯದ ಮತಗಳು ಇರುವ ಹಿನ್ನೆಲೆಯಲ್ಲಿ ಎಣಿಕೆ ಕಾರ್ಯ ರಾತ್ರಿವರೆಗೆ ನಡೆಯಲಿದ್ದು, ಅಂತಿಮ ಫ‌ಲಿತಾಂಶ ಹೊರ ಬೀಳಲು ತಡರಾತ್ರಿ ಆಗುವ ಸಾಧ್ಯತೆಯಿದೆ.