BRS ಅವನತಿಗೆ ಕ್ಷಣಗಣನೆ ಆರಂಭ : ಶಾ

ಹೈದರಾಬಾದ್‌: ತೆಲಂಗಾಣ ಸಿಎಂ ಕೆ.ಚಂದ್ರಶೇಖರ್‌ ಅವರ ಬಿಆರ್‌ಎಸ್‌ ಪಕ್ಷದ ಅವನತಿಗೆ ಕ್ಷಣಗಣನೆ ಪ್ರಾರಂಭವಾಗಿದೆ. ರಾಜ್ಯದಲ್ಲಿರುವ ಬಿಆರ್‌ಎಸ್‌ ಆಡಳಿತವನ್ನು ಕಿತ್ತೂಗೆಯುವವರೆಗೂ ಬಿಜೆಪಿಯ ಈ ಹೋರಾಟ ನಿಲ್ಲುವುದಿಲ್ಲ ಎಂದು ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಭಾನುವಾರ ಗರ್ಜಿಸಿದ್ದಾರೆ.

ತೆಲಂಗಾಣದ ಚಾವೆಲ್ಲಾದಲ್ಲಿ ನಡೆದ “ವಿಜಯ ಸಂಕಲ್ಪ ಸಭಾ” ಸಾರ್ವಜನಿಕ ರ್ಯಾಲಿಯನ್ನುದ್ದೇಶಿಸಿ, ಶಾ ಮಾತನಾಡಿದರು. ಈ ವೇಳೆ, ಕಳೆದ 8-9 ವರ್ಷಗಳಿಂದ ರಾಜ್ಯದಲ್ಲಿ ಬಿಆರ್‌ಎಸ್‌ ಭ್ರಷ್ಟ ಸರ್ಕಾರ ನಡೆಸುತ್ತಿದೆ. ಜನರಿಗಾಗಿ ಮೋದಿ ಸರ್ಕಾರ ರೂಪಿಸಿದ ಯೋಜನೆಗಳು ಜನರನ್ನು ತಲುಪುತ್ತಲೇ ಇಲ್ಲ. ನಮ್ಮ ಸರ್ಕಾರ ಅಧಿಕಾರಕ್ಕೆ ಬಂದರೆ, ಭ್ರಷ್ಟರನ್ನು ಕಂಬಿ ಹಿಂದೆ ನಿಲ್ಲಿಸುವುದು ಖಚಿತ. ರಾಜ್ಯದಲ್ಲಿ ಮುಸಲ್ಮಾನರಿಗೆ ನೀಡಿರುವ ಮೀಸಲಾತಿಯನ್ನೂ ನಾವು ತೆಗೆದುಹಾಕುತ್ತೇವೆ ಎಂದಿದ್ದಾರೆ.