ಪ್ರಧಾನಿ ಮೋದಿ ವಿದೇಶ ಭೇಟಿಗೆ 446 ಕೋಟಿ ರೂ. ವೆಚ್ಚ

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಕಳೆದ ಐದು ವರ್ಷಗಳ ವಿದೇಶ ಭೇಟಿಗಳಿಗೆ 446.52 ಕೋಟಿ ರೂ. ವೆಚ್ಚವಾಗಿದೆ ಎಂದು ಲೋಕಸಭೆಗೆ ವಿದೇಶಾಂಗ ಸಚಿವಾಲಯದ ಸಹಾಯಕ ಸಚಿವ ವಿ.ಮುರಳೀಧರನ್‌ ಮಾಹಿತಿ ನೀಡಿದ್ದಾರೆ. ಈ ಮೊತ್ತದಲ್ಲಿ ಅವರ ವಿಶೇಷ ವಿಮಾನದ ವೆಚ್ಚವೂ ಸೇರಿದೆ ಎಂದಿದ್ದಾರೆ.

ಅವರು ನೀಡಿದ ಮಾಹಿತಿ ಪ್ರಕಾರ, 2015-16ರಲ್ಲಿ 121.85 ಕೋಟಿ ರೂ., 78.52 ಕೋಟಿ ರೂ. 2016-17ರಲ್ಲಿ, 2017-18ರಲ್ಲಿ 99.90 ಕೋಟಿ ರೂ., 2018-19ರಲ್ಲಿ 100.02 ಕೋಟಿ ರೂ. ಸೇರಿದೆ. 2019-20ರಲ್ಲಿ 46.23 ಕೋಟಿ ರೂ. ವೆಚ್ಚವಾಗಿದೆ ಎಂದು ತಿಳಿಸಿದ್ದಾರೆ. ಸಚಿವರು ಒಟ್ಟಾರೆ ಖರ್ಚಿನ ಮಾಹಿತಿ ನೀಡಿದ್ದರೂ, ಯಾವ ಯಾವ ಕಾರಣಕ್ಕೆ ಅದನ್ನು ಮಾಡಲಾಗಿದೆ ಎಂದು ತಿಳಿಸಿಲ್ಲ.