ಕೊರೊನಾ: ಭಾರತ ಮೂಲದ ವಿಜ್ಞಾನಿಯ ಮದ್ದು?

ಹೊಸದಿಲ್ಲಿ: ಕೊರೊನಾ ವೈರಸ್‌ ಸೋಂಕಿಗೆ ಲಸಿಕೆ ಕಂಡು ಹಿಡಿಯಲು ಆಸ್ಟ್ರೇಲಿಯಾದಲ್ಲಿ ನೆಲೆಸಿರುವ ಭಾರತೀಯ, ಬೆಂಗಳೂರಿನ ಐಐ ಎಸ್ಸಿಯಲ್ಲಿ ವ್ಯಾಸಂಗ ಮಾಡಿರುವ ವಿಜ್ಞಾನಿ ಎಸ್‌.ಎಸ್‌. ವಾಸನ್‌ ಮುಂದಾಗಿದ್ದಾರೆ.

ಕಾಂಗರೂ ನಾಡಿನ ಅಗ್ರಗಣ್ಯ ಪ್ರಯೋಗಾಯ  ಕಾಮನ್ವೆಲ್ತ್‌ ಸೈಂಟಿಫಿಕ್‌ ಆ್ಯಂಡ್‌ ಇಂಡಸ್ಟ್ರಿಯಲ್‌ ರಿಸರ್ಚ್‌ ಆರ್ಗ ನೈಸೇಶನ್‌ (ಸಿಎಸ್‌ಐಆರ್‌ಒ)ನ ತನ್ನ ಲ್ಯಾಬ್‌ನಲ್ಲಿ ಕೊರೊನಾ ವೈರಸ್‌ಗಳ ಸಮೂಹ  ಉತ್ಪಾದಿಸಿರುವ ವಾಸನ್‌ ಮತ್ತು ತಂಡ, ಪ್ರಸ್ತುತ ಅವುಗಳ ಗುಣವಿಶೇಷ ಅಧ್ಯಯನದಲ್ಲಿ ತೊಡ ಗಿದೆ. ಬಳಿಕ ಲಸಿಕೆ ಅಥವಾ ಔಷಧವನ್ನು 16 ದಿನ ಗಳೊಳಗೆ ಅಭಿವೃದ್ಧಿಪಡಿಸುವ ಗುರಿ ಹೊಂದಿದೆ.

ಝಿಕಾಕ್ಕೂ ಲಸಿಕೆ ಕಂಡುಹಿಡಿದ್ದರು!
ಆಕ್ಸ್‌ಫ‌ರ್ಡ್‌ ವಿ.ವಿ.ಯಲ್ಲಿ ವೈದ್ಯಕೀಯ ಶಿಕ್ಷಣ ಪಡೆದಿರುವ ಡಾ| ವಾಸನ್‌, ರಾಜಸ್ಥಾನದ ಬಿರ್ಲಾ ಇನ್‌ಸ್ಟಿಟ್ಯೂಟ್‌ ಆಫ್ ಟೆಕ್ನಾಲಜಿ ಆ್ಯಂಡ್‌ ಸೈನ್ಸ್‌, ಬೆಂಗಳೂರಿನ ಐಐಎಸ್‌ಸಿ ಹಳೆ ವಿದ್ಯಾರ್ಥಿ.ಡೆಂಗ್ಯೂ, ಝಿಕಾ ವೈರಸ್‌ಗೂ ಲಸಿಕೆ ಕಂಡುಹಿಡಿದ ಹೆಗ್ಗಳಿಕೆ ಹೊಂದಿದ್ದಾರೆ.