Copa America Football: ಬಲಿಷ್ಠ ಬ್ರಝಿಲ್‌ಗೆ ಉರುಳಾದ ಉರುಗ್ವೆ

ಲಾಸ್‌ ವೆಗಾಸ್‌/ಗ್ಲೆಂಡೇಲ್‌: ಬಲಾಡ್ಯ ಬ್ರಝಿಲ್‌ ತಂಡಕ್ಕೆ ಉರುಳು ಹಾಕಿದ ಉರುಗ್ವೆ “ಕೊಪಾ ಅಮೆರಿಕ’ ಫ‌ುಟ್‌ಬಾಲ್‌ ಪಂದ್ಯಾವಳಿಯ ಸೆಮಿಫೈನಲ್‌ಗೆ ನೆಗೆದಿದೆ. ಇಲ್ಲಿ ಕೊಲಂಬಿಯಾವನ್ನು ಎದುರಿಸಲಿದೆ.

ಬ್ರಝಿಲ್‌-ಉರುಗ್ವೆ ನಡುವಿನ ಪಂದ್ಯ ಯಾವುದೇ ಗೋಲು ಕಾಣದೆ ಡ್ರಾಗೊಂಡಿತು. ಬಳಿಕ ಪೆನಾಲ್ಟಿ ಕಿಕ್ಸ್‌ನಲ್ಲಿ ಉರುಗ್ವೆ 4-2 ಅಂತರದ ಜಯಭೇರಿ ಮೊಳಗಿಸಿತು.

74ನೇ ನಿಮಿಷದಲ್ಲಿ ಉರುಗ್ವೆಯ ಪ್ರಮುಖ ಆಟಗಾರ ನಹಿತಾನ್‌ ನಾಂಡೇಜ್‌ ಅವರಿಗೆ ರೆಡ್‌ ಕಾರ್ಡ್‌ ಲಭಿಸಿತಾದರೂ ಬ್ರಝಿಲ್‌ಗೆ ಇದರ ಲಾಭವೆತ್ತಲಾಗಲಿಲ್ಲ.

ಇನ್ನೊಂದು ಕ್ವಾರ್ಟರ್‌ ಫೈನಲ್‌ನಲ್ಲಿ ಕೊಲಂಬಿಯಾ 5-0 ಭರ್ಜರಿ ಅಂತರದಿಂದ ಪನಾಮಾವನ್ನು ಮಣಿಸಿತು. ಹಾಲಿ ಚಾಂಪಿಯನ್‌ ಆರ್ಜೆಂಟೀನಾ ಮತ್ತು ಕೆನಡಾ ಇನ್ನೊಂದು ಸೆಮಿಫೈನಲ್‌ನಲ್ಲಿ ಎದುರಾಗಲಿವೆ.