ಅಭ್ಯರ್ಥಿ ಆಯ್ಕೆಗೆ ಕಾಂಗ್ರೆಸ್‌ ಪರಿಶೀಲನ ಸಮಿತಿ

ಬೆಂಗಳೂರು: ಮುಂಬರುವ ವಿಧಾನಸಭೆ ಚುನಾವಣೆಗೆ ಅಭ್ಯರ್ಥಿಗಳ ಆಯ್ಕೆ ಪ್ರಕ್ರಿಯೆ ಕೈಗೊಳ್ಳಲು ಎಐಸಿಸಿಯು ಪರಿಶೀಲನ ಸಮಿತಿಯನ್ನು ಸೋಮವಾರ ರಚಿಸಿದೆ.

ಮೋಹನ್‌ ಪ್ರಕಾಶ್‌ ಸಮಿತಿಗೆ ಅಧ್ಯಕ್ಷರಾಗಿದ್ದು, ನೀರಜ್‌ ಡಾಂಗಿ, ಮೊಹಮ್ಮದ್‌ ಜಾವೇದ್‌, ಸಪ್ತಗಿರಿ ಉಲಾಕ ಸದಸ್ಯರಾಗಿದ್ದಾರೆ. ಅಧ್ಯಕ್ಷರಾಗಿರುವ ಮೋಹನ್‌ ಪ್ರಕಾಶ್‌ ಅವರು ರಾಹುಲ್‌ ಗಾಂಧಿ ಅವರ ಪರಮಾಪ್ತರಾಗಿದ್ದು, ಸಂಘಟನೆಯಲ್ಲಿ ಪಳಗಿದ ಕೈ ಎನ್ನಲಾಗಿದೆ.ಅವರು ಎಐಸಿಸಿ ವಕ್ತಾರರೂ ಹೌದು.ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರ ಅನುಮೋದನೆಯಂತೆ ಪ್ರಧಾನ ಕಾರ್ಯದರ್ಶಿ ಕೆ.ಸಿ. ವೇಣುಗೋಪಾಲ್‌ ಅವರು ಈ ಆದೇಶ ಹೊರಡಿಸಿದ್ದಾರೆ.