ಕ್ರಿಕೆಟ್‌ ನೋಡಿದ ಕಾಂಗ್ರೆಸ್‌ ಸದಸ್ಯರು

ಬೆಂಗಳೂರು: ಸಚಿವ ಕೆ.ಎಸ್‌.ಈಶ್ವರಪ್ಪ ರಾಜೀನಾಮೆಗೆ ಆಗ್ರಹಿಸಿ ಅಹೋ ರಾತ್ರಿ ಧರಣಿ ನಡೆಸುತ್ತಿರುವ ಕಾಂಗ್ರೆಸ್‌ ಶಾಸಕರು ಶುಕ್ರವಾರ ಸಂಜೆ ಭಾರತ ಮತ್ತು ವೆಸ್ಟ್‌ ಇಂಡೀಸ್‌ ನಡುವೆ ನಡೆದ ಕ್ರಿಕೆಟ್‌ ವೀಕ್ಷಣೆ ಮಾಡಿದರು.

ಪ್ರತಿಪಕ್ಷದ ನಾಯಕ ಸಿದ್ದರಾಮಯ್ಯ, ರಮೇಶ್‌ ಕುಮಾರ್‌ ಸೇರಿದಂತೆ ಧರಣಿ ನಡೆಸುತ್ತಿರುವ ಕಾಂಗ್ರೆಸ್‌ ಶಾಸಕರು ಕ್ರಿಕೆಟ್‌ ವೀಕ್ಷಿಸಿದರು.

ರಾತ್ರಿ ಸೌತ್‌ ರುಚಿಸ್‌ ಹೋಟೆಲ್‌ ನಿಂದ ಊಟದ ವ್ಯವಸ್ಥೆ ಮಾಡಲಾಗಿತ್ತು. ಪಾಯಸ, ಚಪಾತಿ, ರಾಗಿ ಮುದ್ದೆ ರೈಸ್‌ ಬಾತ್‌, ಪಲ್ಯ, ವೆಜ್‌ ಕರಿ, ಅನ್ನ,ಸಾಂಬಾರ್‌, ರಸಂ, ಮೊಸರು , ತರಕಾರಿ ಸಾಲಾಡ್‌, ಹಣ್ಣುಗಳು, ನೀರಿನ ಬಾಟಲ್‌ ಒದಗಿಸಲಾಗಿತ್ತು. ಶಾಸಕರು ಕನ್ನಡ, ಹಿಂದಿ ಹಾಗೂ ಮರಾಠಿ ಹಾಡುಗಳನ್ನು ಹಾಡಿ ಸಮಯ ಕಳೆದರು ಎಂಬ ಮಾಹಿತಿ ಲಭ್ಯವಾಗಿದೆ.