ಅಂಬರೀಶ್‌ರನ್ನು ಕಾಂಗ್ರೆಸ್‌ ಕಡೆಗಣಿಸಿಲ್ಲ: ಆಂಜನೇಯ

ಚಿತ್ರದುರ್ಗ: ಹಿರಿಯ ನಟ, ಮಾಜಿ ಸಚಿವ ಅಂಬರೀಶ್‌ ಸೇರಿ ಯಾವ ಚಿತ್ರನಟರನ್ನೂ ಕಾಂಗ್ರೆಸ್‌ ಕಡೆಗಣಿಸಿಲ್ಲ ಎಂದು ಸಮಾಜ ಕಲ್ಯಾಣ ಸಚಿವ ಎಚ್‌. ಆಂಜನೇಯ ಸ್ಪಷ್ಟಪಡಿಸಿದರು. 

ಭಾನುವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಸಿನೆಮಾ ತಾರೆಯರು ನಮ್ಮ ಪಕ್ಷದಲ್ಲಿ ಯಾರ್ಯಾರು ಇದ್ದಾರೆಯೋ ಅವರೆಲ್ಲರನ್ನೂ ಚುನಾವಣಾ ಪ್ರಚಾರಕ್ಕೆ ಬಳಸಿಕೊಳ್ಳುತ್ತೇವೆ. ಪಕ್ಷದಲ್ಲಿ ಯಾರನ್ನೂ ಕಡೆಗಣಿಸಿಲ್ಲ. ಮುಂದೆಯೂ ಕಡೆಗಣಿಸುವುದಿಲ್ಲ. ನಮ್ಮಲ್ಲೂ ರಾಜಕಾರಣಿಗಳು, ಮಾತುಗಾರರು, ಸಂಸದೀಯ ಪಟುಗಳು, ಸಾಹಿತಿಗಳು, ವಿಮರ್ಶಕರು, ಕಲಾವಿದರು ಇದ್ದಾರೆ. ಅವರ ಮೂಲಕ ರಾಜ್ಯದೆಲ್ಲೆಡೆ ವ್ಯಾಪಕ ಪ್ರಚಾರ ನಡೆಸುತ್ತೇವೆ ಎಂದರು.