Election data ಏರಿಕೆ ಬಗ್ಗೆ ಪ್ರತಿಕ್ರಿಯಿಸಿ: ಇಸಿಗೆ ಸುಪ್ರೀಂ

ಹೊಸದಿಲ್ಲಿ: ಚುನಾವಣೆ ಆಯೋಗ ವಿಳಂಬವಾಗಿ ಬಿಡುಗಡೆಗೊಳಿಸು ತ್ತಿರುವ ದತ್ತಾಂಶಗಳಲ್ಲಿ ಮತದಾನದ ಪ್ರಮಾಣ ಹೆಚ್ಚುತ್ತಿರುವುದನ್ನು ಆಕ್ಷೇಪಿ ಸಿದ ಅರ್ಜಿಗೆ ಪ್ರತಿ ಕ್ರಿಯಿಸಲು ಆಯೋಗಕ್ಕೆ ಸುಪ್ರೀಂ ಕೋರ್ಟ್‌ ಸೂಚಿಸಿದೆ.

ಎ.19ರಂದು ನಡೆದ ಮತದಾನದ ಒಟ್ಟು ಪ್ರಮಾಣವನ್ನು ಚುನಾವಣ ಆಯೋಗ ಎ.30ಕ್ಕೆ ಬಿಡುಗಡೆಗೊಳಿ ಸಿದೆ. ಇದರಲ್ಲಿ ಎ.19ರ ಸಂಜೆ 7ಕ್ಕೆ ಘೋಷಿಸಲಾದ ಮತ ಪ್ರಮಾಣ ಕ್ಕಿಂತಲೂ ಶೇ.5 ರಿಂದ 6ರಷ್ಟು ಹೆಚ್ಚು ಮತದಾನದ ಪ್ರಮಾಣವನ್ನು ದಾಖಲಿಸಲಾಗಿದೆ.

ಈ ಹಿನ್ನೆಲೆಯಲ್ಲಿ ಅಸೋಸಿಯೇಶನ್‌ ಫಾರ್‌ ಡೆಮಾಕ್ರಟಿಕ್‌ ರಿಫಾರ್ಮ್ (ಎಡಿಆರ್‌) ಎನ್‌ಜಿಒ ಸಂಸ್ಥೆಯು ಸುಪ್ರೀಂನಲ್ಲಿ ಅರ್ಜಿ ಸಲ್ಲಿಸಿದ್ದು, ಮತದಾನದ ದಿನದ ಪ್ರಮಾಣಕ್ಕೂ ಅಂತಿಮವಾಗಿ ಬಿಡುಗಡೆ ಮಾಡಿದ ಅಂಕಿ-ಅಂಶಕ್ಕೂ ನಡುವಿನ ವ್ಯತ್ಯಾಸವನ್ನು ಪ್ರಶ್ನಿಸಿದೆ. ಎಡಿಆರ್‌ನ ಈ ಮನವಿಯನ್ನು ಸಿಜೆಐ ಡಿ.ವೈ.ಚಂದ್ರ ಚೂಡ್‌ ಅವರ ಪೀಠ ಪರಿಗಣಿಸಿದೆ. ಅರ್ಜಿ ವಿಚಾರಣೆಯನ್ನು ಮೇ 24 ರಂದು ಕೈಗೆತ್ತಿಕೊಳ್ಳಲಿದ್ದು, ಅದಕ್ಕೂ ಮುನ್ನ ಆಯೋಗ ಈ ಕುರಿತು ಪ್ರತಿಕ್ರಿಯೆ ದಾಖಲಿಸಬೇಕು ಎಂದು ಸೂಚನೆ ನೀಡಿದೆ.