ಕೋಡಿಕಲ್‌ನಲ್ಲಿ ಕಾಂಕ್ರೀಟ್‌ ಕಾಮಗಾರಿ ಆರಂಭ

ಕೋಡಿಕಲ್‌: ನಗರದ ಕೋಡಿಕಲ್‌ ಮುಖ್ಯ ರಸ್ತೆಯ ಎಸ್‌ಎನ್‌ಡಿಪಿ ಮಂದಿರದಿಂದ ಆಲಗುಡ್ಡೆ 10ನೇ ಕ್ರಾಸ್‌ವರೆಗಿನ ಮುಖ್ಯ ರಸ್ತೆಯ ಕಾಂಕ್ರೀಟ್‌ ಕಾಮಗಾರಿ ಆರಂಭವಾಗಿದೆ.

ಕಾಮಗಾರಿ ಹಿನ್ನೆಲೆಯಲ್ಲಿ ರಸ್ತೆ ಸಂಚಾರ ನಿರ್ಬಂಧಿಸಲಾಗಿದ್ದು, 6 ಬಿ ಮತ್ತು 9 ಬಿ ಅಡ್ಡ ರಸ್ತೆ ಬಳಸುವ ನಿವಾಸಿಗಳು 5ನೇ ಬಿ ಅಡ್ಡ ರಸ್ತೆಯನ್ನು ಪರ್ಯಾಯವಾಗಿ ಬಳಸಬಹುದು. 7 ಬಿ ಮತ್ತು 8 ಬಿ ಅಡ್ಡ ರಸ್ತೆಯ ಮೂಲಕ ಸಂಚರಿಸುವವರಿಗೆ ಕಾರು, ರಿಕ್ಷಾ ಹಾಗೂ ಇತರ ಘನ ವಾಹನ ಸಂಚಾರಕ್ಕೆ ಯಾವುದೇ ಪರ್ಯಾಯ ರಸ್ತೆಯ ವ್ಯವಸ್ಥೆ ಇರುವುದಿಲ್ಲ. ಆದ್ದರಿಂದ ಕೆಲಸ ಪ್ರಾರಂಭವಾಗುವ ಮೊದಲೇ ವಾಹನಗಳನು ಬೇರೆ ಕಡೆಗೆ ತಂದು ಇಡಬೇಕು.

ದ್ವಿಚಕ್ರ ವಾಹನ ಸವಾರರು ಕೆರೆ ನಾಗ ಬನದಿಂದ 9ಬಿ ರಸ್ತೆಗೆ ಸಂಪರ್ಕಿಸುವ ರಸ್ತೆ ಮೂಲಕ 5ಬಿ ಅಡ್ಡ ರಸ್ತೆಗೆ ಸಾಗಬಹುದು. ಕೋಡಿಕಲ್‌ನ ಸಮಗ್ರ ಅಭಿವೃದ್ಧಿಯನ್ನು ಗಮನದಲ್ಲಿಟ್ಟುಕೊಂಡು ಈ ಕಾಮಗಾರಿ ಆರಂಭವಾಗಲಿದೆ. ಕಾಮಗಾರಿ ವೇಳೆ ಸಾರ್ವಜನಿಕರ ಸಹಕಾರ ಅಗತ್ಯ ಎಂದು ಸ್ಥಳೀಯ ಮನಪಾ ಸದಸ್ಯ ಕಿರಣ್‌ ಕುಮಾರ್‌ ಕೋಡಿಕಲ್‌ ತಿಳಿಸಿದ್ದಾರೆ.