ಬೆಂಗಳೂರು ಪುಸ್ತಕ ಮೇಳಕ್ಕೆ ಬನ್ನಿ…

ಯಾವುದೇ ಪುಸ್ತಕ ಕಾಣಿಸಲಿ; ಕೈಗೆತ್ತಿಕೊಂಡು ಕಣ್ಣಾಡಿಸುತ್ತೀರಾ? ಹಳೆಯ ಪುಸ್ತಕವೊಂದನ್ನು ಹುಡುಕುತ್ತಾ ಅಂಗಡಿ ಅಂಗಡಿ ಅಲೆಯುತ್ತೀರಾ? ಪುಸ್ತಕಗಳನ್ನು ಆಸ್ತಿಯಂತೆ ಕಾಪಾಡುತ್ತೀರಾ… ಹಾಗಿದ್ರೆ ನೀವು ಪುಸ್ತಕಪ್ರೇಮಿಗಳು ಅನ್ನೋದ್ರಲ್ಲಿ ಸಂದೇಹವೇ ಇಲ್ಲ. ಈ ಸುದ್ದಿ ನಿಮಗಾಗಿಯೇ. ಅರಮನೆ ಮೈದಾನದಲ್ಲಿ ಬೆಂಗಳೂರು ಪುಸ್ತಕೋತ್ಸವ ನಡೆಯುತ್ತಿದೆ. ಇತಿಹಾಸದಿಂದ ತಂತ್ರಜ್ಞಾನದವರೆಗೆ, ಅಡುಗೆ ಯಿಂದ ಅಂತರಿಕ್ಷದವರೆಗೆ ಎಲ್ಲ ಬಗೆಯ ಪುಸ್ತಕಗಳು ಮೇಳದಲ್ಲಿವೆ.

ಲಕ್ಷಾಂತರ ಪುಸ್ತಕಗಳಷ್ಟೇ ಅಲ್ಲದೆ, ಸ್ಟೇಷನರಿ ವಸ್ತುಗಳು, ಮಕ್ಕಳ ಪಠ್ಯಕ್ಕೆ ಸಂಬಂಧಿಸಿದ ಆಟಿಕೆಗಳು, ಗ್ಯಾಜೆಟ್ಸ್‌ ಮತ್ತು ಇ-ಬುಕ್‌ಗಳು ಕೂಡಾ ಇಲ್ಲಿ ಇರಲಿವೆ. ಆಹಾರ ಮೇಳ, ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯುವುದು ಈ ಮೇಳದ ಮತ್ತೂಂದು ವಿಶೇಷ. ಕನ್ನಡ ಅಭಿವೃದ್ಧಿ ಪ್ರಾಧಿಕಾರ, ಸಾಹಿತ್ಯ ಅಕಾಡೆಮಿ, ಕನ್ನಡ ಮತ್ತು ಸಂಸ್ಕೃತಿ ನಿರ್ದೇಶನಾಲಯದ ಸಹಭಾಗಿತ್ವದಲ್ಲಿ ಈ ಪುಸ್ತಕೋತ್ಸವ ನಡೆಯುತ್ತಲಿದೆ.

ಎಲ್ಲಿ?: ಅರಮನೆ ಮೈದಾನ
ಯಾವಾಗ?: ಅ. 5-8, ಬೆಳಗ್ಗೆ 10.30-8
ಪ್ರವೇಶ: ಉಚಿತ