ಹೊಸ ಪ್ರತಿಭೆಗಳ ʼಕಲರ್ಸ್ ಆಫ್ ಲವ್‌ʼ

“ಕಲರ್ಸ್ ಆಫ್ ಲವ್‌’ ಎಂಬ ಚಿತ್ರವೊಂದು ಸದ್ದಿಲ್ಲದೇ ತಯಾರಾಗಿದೆ. ಕೇವಲ 50 ನಿಮಿಷದ ಈ ಚಿತ್ರವನ್ನು ಯು.ವಿ.ಹರಿಶೌರ್ಯ ನಿರ್ದೇಶಿಸಿದ್ದಾರೆ.

ಈ ಹಿಂದೆ “ಕ್ರಶ್‌’ ಹಾಗೂ “ಲಗೋರಿ’ ಎಂಬ ಕಿರುಚಿತ್ರಗಳನ್ನು ನಿರ್ದೇಶಿಸಿದ ಅನುಭವದೊಂದಿಗೆ ಈಗ “ಕಲರ್ಸ್ ಆಫ್ ‘ ಮಾಡಿದ್ದಾರೆ. ಚೇತನ್‌ ಕುಮಾರ್‌ ಹಾಗೂ ಜಯಪ್ರಕಾಶ್‌ ಈ ಚಿತ್ರದ ನಿಮಾಪಕರು.

ಚಿತ್ರದ ಕಥಾಹಂದರದ ಬಗ್ಗೆ ಮಾತನಾಡುವ ಹರಿಶೌರ್ಯ, “ಕಥಾನಾಯಕ ಒಬ್ಬ ಬರಹಗಾರ. “ಕಲರ್ಸ್‌ ಆಫ್ ಲವ್‌’ ಎನ್ನುವ ಪುಸ್ತಕವನ್ನು ಬರೆದು ಮುಗಿಸುವುದೇ ಇವನ ಗುರಿಯಾಗಿರುತ್ತದೆ. ಈ ಮಧ್ಯೆ ಪ್ರೀತಿಯ ಬಲೆಗೆ ಸಿಲುಕುತ್ತಾನೆ. ಆದರೆ ಅವಳು ಮನೆಯವರ ಒತ್ತಾಯದ ಮೇಲೆ ಬೇರೋಬ್ಬನನ್ನು ಮದುವೆಯಾಗುತ್ತಾಳೆ. ಇದರಿಂದ ಬೇಸರಗೊಂಡು ಪ್ರೀತಿ ಎನ್ನುವುದು ಇಷ್ಟೇ ಅಂದುಕೊಂಡು ಬರೆಯುವುದರ ಮೇಲೆ ಗಮನ ಹರಿಸುತ್ತಾಳೆ. ಅಲ್ಲಿ ಇವನ ಒಳ್ಳೆ ಗುಣ ಕಂಡು ಹುಡುಗಿಯೊಬ್ಬಳು ಹಿಂದೆ ಬೀಳುತ್ತಾನೆ. ಈತ ಮಾತ್ರ ಇವಳಿಂದ ದೂರ ಹೋಗಲು ಪ್ರಯತ್ನಪಟ್ಟರೂ ಆಕೆ ನೀನಿಲ್ಲದೆ ನಾನಿಲ್ಲ ವೆಂದು ಹೇಳುತ್ತಲೇ ಇರುತ್ತಾಳೆ. ಕೊನೆಗೆ ತನ್ನ ಗುರಿಯನ್ನು ಸಾಧಿಸುತ್ತಾನಾ ಎನ್ನುವುದು ಕಥಾಹಂದರ’ ಎಂದು ಚಿತ್ರದ ವಿವರ ಕೊಡುತ್ತಾರೆ.

ಮಂಗಳೂರು ಪ್ರತಿಭೆ ಮನೀಶ್‌ ಕೋಟ್ಯಾನ್‌ ನಾಯಕ. ಅನುಷಾ ರಾಜ್‌, ಪ್ರನುಪಗೌಡ ನಾಯಕಿಯರು. ಖಳನಾಗಿ ರಾಣಾರಂಜಿತ್‌ ನಟಿಸಿದ್ದಾರೆ