ಕೋವಿಡ್-19 ಮುಕ್ತಕ್ಕೆ ಸಹಕರಿಸಿ

ಗೌರಿಬಿದನೂರು: ಕೋವಿಡ್-19ಶೀಘ್ರದಲ್ಲೇ ಗೌರಿಬಿದನೂರು, ಚಿಕ್ಕಬಳ್ಳಾಪುರದಿಂದ ಮುಕ್ತಗೊಳಿಸಲು ಎಲ್ಲರೂ ಸಹಕರಿಸಬೇಕು ಎಂದು ಸಚಿವ ಡಾ.ಕೆ.ಸುಧಾಕರ್‌ ಮನವಿ ಮಾಡಿದರು. ನಗರದ ತಾಪಂ ಸಾಮರ್ಥ್ಯ ಸೌಧದಲ್ಲಿ ನಡೆದ ಅಧಿಕಾರಿಗಳ ಸಭೆಯಲ್ಲಿ ಮಾತನಾಡಿ, ತಾಲೂಕಿನಲ್ಲಿ 12 ಕೋವಿಡ್-19 ಸೋಂಕಿತ ಪ್ರಕರಣಗಳು ಕೇವಲ 2 ಕುಟುಂಬದಲ್ಲಿ ಪತ್ತೆಯಾಗಿವೆ. ಸರ್ಕಾರವು ತೆಗೆದುಕೊಂಡು ಮಾರ್ಗ ಸೂಚಿಗಳು ಮತ್ತು ಕಾರ್ಯ ಬದ್ಧತೆಯಿಂದ 3ನೇ ಸ್ಥಾನದಲ್ಲಿದ್ದ ರಾಜ್ಯವು 13ನೇ ಸ್ಥಾನಕ್ಕೆ ತಲುಪಿದೆ. ರಾಜ್ಯದಲ್ಲಿ 207 ಪ್ರಕರಣಗಳು ದಾಖಲಾಗಿದ್ದು, ಇದರಲ್ಲಿ 30 ಮಂದಿ ಗುಣಮುಖರಾಗಿದ್ದಾರೆ. ಇದರಲ್ಲಿ ಪ್ರಸ್ತುತ ತಾಲೂಕಿನಲ್ಲಿ 8 ಮಂದಿಗೆ ಚಿಕಿತ್ಸೆ ನೀಡಲಾಗುತ್ತಿದೆ ಎಂದರು.

ಸಭೆಯಲ್ಲಿ ಜಿಪಂ ಅಧ್ಯಕ್ಷ ಎಂ.ಬಿ.ಚಿಕ್ಕನರಸಿಂಹಯ್ಯ, ಜಿಲ್ಲಾಧಿಕಾರಿ ಆರ್‌.ಲತಾ, ಎಸ್ಪಿ ಮಿಥುನ್‌ ಕುಮಾರ್‌, ಸಿಇಒ ಬಿ.ಫೌಜಿಯಾ ತರನಮ…, ಉಪವಿಭಾಗಾಧಿಕಾರಿ ರಘುನಂದನ್‌, ಡಿವೈಎಸ್‌ಪಿ ರವಿಶಂಕರ್‌, ಕೋವಿಡ್‌-19 ವಿಶೇಷ ಅಧಿಕಾರಿ ಬಿ.ಎನ್‌.ವರಪ್ರಸಾದ ರೆಡ್ಡಿ, ತಹಶೀಲ್ದಾರ್‌ ಎಂ.ರಾಜಣ್ಣ, ಇಒ ಎನ್‌.ಮುನಿರಾಜು, ಆಯುಕ್ತ ಜಿ.ಎನ್‌. ಚಲಪತಿ, ಪಿಎಲ್‌ಡಿ ಬ್ಯಾಂಕ್‌ ಅಧ್ಯಕ್ಷ ಚಿಮುಕಲ ಹಳ್ಳಿ ಪ್ರಕಾಶ್‌ ರೆಡ್ಡಿ, ಮಾಜಿ ಶಾಸಕಿ ಎನ್‌. ಜ್ಯೋತಿ ರೆಡ್ಡಿ, ಮುಖಂಡ ಎನ್‌.ಎಂ.ರವಿ ನಾರಾಯಣ ರೆಡ್ಡಿ, ಬಿ.ಜಿ.ವೇಣುಗೋಪಾಲ ರೆಡ್ಡಿ ಇದ್ದರು.