Advertisement
ಐಸಿಸ್‌, ಸಿಮಿ, ಇಂಡಿಯನ್‌ ಮುಜಾಹಿದೀನ್‌ ಒಂದೇ ವೇದಿಕೆ ವ್ಯಾಪ್ತಿಯಲ್ಲಿ “ಉಗ್ರ ಕೆಲಸ’ ಮಾಡುತ್ತಿವೆ ಎಂದು ಕೇಂದ್ರ ತನಿಖಾ ಸಂಸ್ಥೆಗಳ ವರದಿಗಳು ಖಚಿತಪಡಿಸಿವೆ. ಪುಣೆಯಲ್ಲಿ ಜು.18ರಂದು ಅಲ್ಲಿನ ಎಟಿಎಸ್‌ ಬಯಲಿಗೆ ಎಳೆದ ಉಗ್ರ ಸಂಚಿನಲ್ಲಿ ಈಗ ಎಲ್ಲಾ ಘಾತಕ ಸಂಘಟನೆಗಳು ಜತೆಯಾಗಿ ಕುಕೃತ್ಯಗಳನ್ನು ನಡೆಸಲು ಒಂದೇ ವೇದಿಕೆಯಡಿ ಬರತೊಡಗಿವೆ ಎಂಬ ಬಗ್ಗೆ ಶಂಕೆಗಳು ಮೂಡಲಾರಂಭಿಸಿವೆ.
Related Articles
ಕಳೆದ ವರ್ಷ ಮಂಗಳೂರಿನಲ್ಲಿ ನಡೆದಿದ್ದ ಕುಕ್ಕರ್‌ ಬಾಂಬ್‌ ಸ್ಫೋಟದಲ್ಲಿ ವಿದೇಶಿ ಕೈವಾಡ ಇರುವ ಸಾಧ್ಯತೆಗಳ ಶಂಕೆಗಳು ವ್ಯಕ್ತವಾಗಿದ್ದವು. ಅದಕ್ಕೆ ಪೂರಕವಾಗಿ ಚಿತ್ರೋಘಡ ಎಂಬಲ್ಲಿಂದ ಸ್ಫೋಟಕಗಳನ್ನು ವಶಪಡಿಸಿಕೊಂಡದ್ದು ಆ ಶಂಕೆಯನ್ನು ಪುಷ್ಟೀಕರಿಸಿವೆ. ಈ ಎರಡು ಪ್ರಕರಣಗಳಲ್ಲಿ ಭಾಗಿಯಾದವರು ಮಾತ್ರವಲ್ಲ, 2016ರಲ್ಲಿ ರತ್ಲಾಂನಲ್ಲಿ ಬೆಳಕಿಗೆ ಬಂದ ಐಸಿಸ್‌ ಜಾಲ ಮತ್ತು ಹಳೆಯ ಸಿಮಿ ಸಂಘಟನೆಯಲ್ಲಿ ಕೆಲಸ ಮಾಡಿದ್ದವರೆಲ್ಲ ಒಂದೇ ವೇದಿಕೆಯಡಿ ಬರುವುದು ಖಚಿತವಾಗತೊಡಗಿದೆ ಎಂದು ಗುಪ್ತಚರ ಮೂಲಗಳು ತಿಳಿಸಿವೆ.
Advertisement
ಗುಪ್ತಚರ ಸಂಸ್ಥೆಗಳ ವರದಿಯಲ್ಲಿರುವ ಅಂಶ– ಮಾಹಿತಿ ತಂತ್ರಜ್ಞಾನ, ಸೈಬರ್‌ ತಂತ್ರಜ್ಞಾನ ಸುಧಾರಿತ ಸ್ಫೋಟಕಗಳ ಬಳಕೆಯಲ್ಲಿ ತರಬೇತಿ ಪಡೆದವರು. ಜತೆಗೆ ಅವರೆಲ್ಲ ಕಟ್ಟರ್‌ ಉಗ್ರರೇ.
– ಹಿಂದಿನ ಸಂದರ್ಭಗಳಲ್ಲಿ ಐಸಿಸ್‌, ಸಿಮಿ, ಇಂಡಿಯನ್‌ ಮುಜಾಹಿದೀನ್‌ ಸಂಘಟನೆಗಳ ನಡುವೆ ಸೈದ್ಧಾಂತಿಕ ಭಿನ್ನಾಭಿಪ್ರಾಯಗಳಿದ್ದವು. ಸದ್ಯ ಅದನ್ನೆಲ್ಲ ಮರೆತು ಒಂದಾಗಿ ಕೆಲಸ ಮಾಡಲು ತೀರ್ಮಾನ.
– ಇರಾಕ್‌ ಅಥವಾ ಸಿರಿಯಾದಿಂದ ಒಗ್ಗಟ್ಟಾಗಿ ಕೆಲಸ ಮಾಡುವ ಅವರನ್ನೆಲ್ಲ ನಿಯಂತ್ರಣಕ್ಕೆ ಒಬ್ಬ ಹ್ಯಾಂಡ್ಲರ್‌.
– ಪುಣೆ ಪ್ರಕರಣದಲ್ಲಿ ಪ್ರತಿಯೊಬ್ಬರಿಗೂ ವಿವಿಧ ಹಂತದಲ್ಲಿ ಉಗ್ರ ಸಂಘಟನೆ ಐಸಿಸ್‌ ಶೈಲಿಯಲ್ಲಿ ವಿತ್ತೀಯ ನೆರವು ನೀಡಲಾಗಿತ್ತು. ಅವರೆಲ್ಲರಿಗೆ ನಿಯಮಿತವಾಗಿ ವಿದೇಶಗಳಿಂದ ಹಣಕಾಸಿನ ನೆರವು ಪೂರೈಕೆ.