ಚುನಾವಣಾ ನೀತಿ ಸಂಹಿತೆ: ಸಿದ್ದುಗೆ ಖಾದರ್‌ ಸಾರಥಿ! 

ಉಡುಪಿ: ಪಕ್ಷದ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು  ಉಡುಪಿಗೆ ಆಗಮಿಸಿದ್ದ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಮರಳುವಷ್ಟರಲ್ಲಿ ಚುನಾವಣಾ ನೀತಿ ಸಂಹಿತೆ ಜಾರಿಯಾಗಿದ್ದರಿಂದ ಸರಕಾರಿ ವಾಹನ ಬಿಟ್ಟು, ಖಾಸಗಿ ವಾಹನವನ್ನು ಏರಿದರು. ಈ ಸಂದರ್ಭ ನಗರಾಭಿವೃದ್ಧಿ ಸಚಿವ ಯು.ಟಿ. ಖಾದರ್‌ ಕಾರನ್ನು ಚಲಾಯಿಸಿ ಎಲ್ಲರ ಗಮನ ಸಳೆದರು. ಸಿದ್ದರಾಮಯ್ಯ ಮಂಗಳೂರು ವರೆಗೂ ಅದೇ ಕಾರಿನಲ್ಲಿ ಸಾಗಿದರು. ಮಾಜಿ ಸಚಿವ ಪ್ರಮೋದ್‌ ಮಧ್ವರಾಜ್‌, ಸಂಸದೀಯ ಕಾರ್ಯದರ್ಶಿ ಐವನ್‌ ಡಿ’ಸೋಜಾ ಜತೆಗಿದ್ದರು.ಉಸ್ತುವಾರಿ ಸಚಿವೆ ಡಾ| ಜಯಮಾಲಾ ಸಹ ಖಾಸಗಿ ಕಾರಿನಲ್ಲಿ ತೆರಳಿದರು.