ಬರವಿದೆ,ಕುಡಿಯೋಕೆ ನೀರಿಲ್ಲಾ..ನಿಮ್ಗೆ ದೇವಸ್ಥಾನ ಕಟ್ಬೇಕಾ?ಸಿಎಂ ಕಿಡಿ 

ಬೆಂಗಳೂರು : ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಜನತಾದರ್ಶನ ಕಾರ್ಯಕ್ರಮದಲ್ಲಿ ದೇವಸ್ಥಾನ ಕಟ್ಟಲು ನೆರವು ನೀಡುವಂತೆ ವ್ಯಕ್ತಿಯೊಬ್ಬರು ಮಾಡಿದ ಮನವಿಯನ್ನು ನೇರವಾಗಿಯೇ ತಿರಸ್ಕರಿಸಿದ ಘಟನೆ ಮಂಗಳವಾರ ನಡೆದಿದೆ. 

ಹರಪ್ಪನ ಹಳ್ಳಿಯಿಂದ ಪಾಂಡುರಂಗ ಸ್ವಾಮಿ ಗುಡಿ ನಿರ್ಮಾಣಕ್ಕೆ ನೆರವು ಕೇಳಿ ಬಂದಿದ್ದ ಸಮಿತಿಯ ಸದಸ್ಯರ ಬಳಿ ಸಿಎಂ ಸಮಸ್ಯೆಯೇನು ಎಂದು ಕೇಳಿ ಮನವಿ ಪತ್ರ ಕೇಳಿದ್ದಾರೆ. ಆ ವೇಳೆ ಗುಡಿ ಕಟ್ಟಲು ಎಂದಾಗ..ಕೋಪಗೊಂಡ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅಲ್ರೀ..ರಾಜ್ಯದಲ್ಲಿ ಬರವಿದೆ,ಕುಡಿಯೋದಕ್ಕೆ ನೀರಿಲ್ಲ..ನಿಮ್ಗೆ ದೇವಸ್ಥಾನ ಕಟ್ಟಬೇಕಾ ಎಂದು ಮುಂದಿನ ಮನವಿಯತ್ತ ಕಣ್ಣು ಹಾಯಿಸಿದರು. 

ನೂರಾರು ಜನ ತಮ್ಮ ವಿವಿಧ ಸಮಸ್ಯೆಗಳು ಮತ್ತು ಬೇಡಿಕೆಗಳೊಂದಿಗೆ ಜನತಾದರ್ಶನಕ್ಕಾಗಿ ಆಗಮಿಸಿದ್ದರು.