2ನೇ ತರಗತಿ ಬಾಲಕಿ ಮೇಲೆ ಅತ್ಯಾಚಾರ

ಹೊಸದಿಲ್ಲಿ: ದಿಲ್ಲಿಯ ನ್ಯೂ ಡೆಲ್ಲಿ ಮುನ್ಸಿಪಲ್‌ ಕೌನ್ಸಿಲ್‌ ಶಾಲೆಯಲ್ಲಿ 2ನೇ ತರಗತಿಯಲ್ಲಿ ಓದುತ್ತಿದ್ದ ಪುಟಾಣಿಯೊಬ್ಬಳ ಮೇಲೆ ಅದೇ ಶಾಲೆಯಲ್ಲಿ ಎಲೆಕ್ಟ್ರೀಷಿಯನ್‌ ಆಗಿದ್ದ ರಾಮ್‌ ಆಸ್ರೆ (45) ಎಂಬಾತ ಅತ್ಯಾಚಾರ ಎಸಗಿರುವ ಹೃದಯ ವಿದ್ರಾವಕ ಘಟನೆ ನಡೆದಿದೆ. ಬುಧವಾರ ಸಂಜೆ ಬಾಲಕಿ ಮನೆಗೆ ತೆರಳುವಾಗ ಆಕೆಯನ್ನು ಶಾಲೆಯ ಪಂಪ್‌ ಹೌಸ್‌ನೊಳಕ್ಕೆ ಕರೆದೊಯ್ದ ಈ ಕೃತ್ಯ ಎಸಗಿದ್ದು, ಆತ ನ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ. 

ಅತ್ಯಾಚಾರಗಳು ಯಾವಾಗ ನಿಲ್ಲುತ್ತವೆ?: ಈ ನಡುವೆ, ಆಶ್ರಯ ನಿಲಯಗಳಲ್ಲಿನ ಅತ್ಯಾಚಾರ ಪ್ರಕರಣ ಸಂಬಂಧ ಶುಕ್ರವಾರ ವಿಷಾದ ವ್ಯಕ್ತಪಡಿಸಿ ರುವ ಸುಪ್ರೀಂ ಕೋರ್ಟ್‌, “ಅತ್ಯಾಚಾರ, ಲೈಂಗಿಕ ಕಿರುಕುಳಗಳಂಥ ಕೃತ್ಯಗಳಿಗೆ ಕೊನೆ ಯಾವಾಗ’ ಎಂದು ಪ್ರಶ್ನಿಸಿದೆ. ಜತೆಗೆ, ಇಂಥ ಪ್ರಕರಣಗಳನ್ನು ಮಾಧ್ಯಮಗಳು ವರದಿ ಮಾಡುವಾಗ ಕೆಲ ನಿಬಂಧ ನೆಗಳನ್ನು ಅನುಸರಿಸಬೇಕು. ಆದರೆ, ಅವುಗಳ ಉಲ್ಲಂಘನೆ ಆಗುತ್ತಿರುವ ಕಾರಣ, ಈ ನಿಬಂಧನೆಗನ್ನು ಪರಿಶೀಲಿಸುವುದಾಗಿಯೂ ಹೇಳಿದೆ.