ಮೈಕೆಲ್‌ ಗಡೀಪಾರು ಆದೇಶವೇ ಆಗಿಲ್ಲ?

ದುಬೈ/ಹೊಸದಿಲ್ಲಿ: ಬಹುಕೋಟಿ ಅಗಸ್ಟಾ ವೆಸ್ಟ್‌ಲ್ಯಾಂಡ್‌ ಹೆಲಿಕಾಪ್ಟರ್‌ ಡೀಲ್‌ನ ಮಧ್ಯವರ್ತಿ ಕ್ರಿಶ್ಚಿಯನ್‌ ಮೈಕೆಲ್‌ನನ್ನು ಭಾರತಕ್ಕೆ ಗಡೀಪಾರು ಮಾಡುವ ಬಗ್ಗೆ ದುಬೈ ಕೋರ್ಟ್‌ ಆದೇಶವನ್ನೇ ನೀಡಿಲ್ಲ. ಈ ಬಗ್ಗೆ ಪಿಟಿಐ ಸುದ್ದಿಸಂಸ್ಥೆ ವರದಿ ಮಾಡಿದೆ. 

ಕ್ರಿಶ್ಚಿಯನ್‌ ಮೈಕೆಲ್‌ನನ್ನು ಗಡೀಪಾರು ಮಾಡುವ ಬಗ್ಗೆ ದುಬೈ ಕೋರ್ಟ್‌ ಆದೇಶವನ್ನೇ ಹೊರಡಿಸಿಲ್ಲ. ಸೆ.2ರಂದು ದುಬೈ ಕೋರ್ಟ್‌ನಲ್ಲಿ ಬ್ರಿಟನ್‌ ನಾಗರಿಕನನ್ನು ಮೂರನೇ ದೇಶಕ್ಕೆ ಗಡೀಪಾರು ಮಾಡಲು ಅವಕಾಶ ಉಂಟೇ ಎಂದು ಯುಎಇ ಸರಕಾರ ಅರಿಕೆ ಮಾಡಿತ್ತು. ಕೇಂದ್ರ ವಿದೇಶಾಂಗ ಇಲಾಖೆ ಕೂಡ ಬುಧವಾರ ನವದೆಹಲಿಯಲ್ಲಿ ಪ್ರತಿಕ್ರಿಯೆ ನೀಡಿ, ಗಡಿಪಾರು ಬಗ್ಗೆ ದುಬೈ ಕೋರ್ಟ್‌ ಆದೇಶ ನೀಡಿದೆ ಎಂಬ ಬಗ್ಗೆ ಅಧಿಕೃತವಾಗಿ ಮಾಹಿತಿ ಸಿಕ್ಕಿಲ್ಲ ಎಂದು ಹೇಳಿದೆ. ಈ ನಡುವೆ ತಮ್ಮ ಕಕ್ಷಿದಾರ ನಾಪತ್ತೆಯಾಗಿದ್ದಾನೆ ಎಂದು ಮದ್ಯವರ್ತಿಯ ವಕೀಲ ಮಲ್‌ ಅಲ್ಸುéಬೈ ಹೇಳಿದ್ದಾರೆ ಎಂದು ವಿವಿಧ ಸುದ್ದಿ ವಾಹಿನಿಗಳು ವರದಿ ಮಾಡಿವೆ.