ಜನಮನ ಸೆಳೆದ ಸಖಿ ಮತಗಟ್ಟೆ

ಚಿತ್ರದುರ್ಗ: ಲೋಕಸಭಾ ಚುನಾವಣೆಯಲ್ಲಿ ನಗರದ ಜೆಸಿಆರ್‌ ಬಡಾವಣೆಯ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಮತ್ತು ರೈಲ್ವೆ
ನಿಲ್ದಾಣ ಸಮೀಪದ ಮತಗಟ್ಟೆ ಸೇರಿದಂತೆ ಎರಡು ಮತಗಟ್ಟೆಗಳಲ್ಲಿ ಮಹಿಳಾ ಸ್ನೇಹಿ ಸಖಿ ಮತಗಟ್ಟೆಗಳನ್ನು ತೆರೆಯಲಾಗಿತ್ತು.

ಇಡೀ ಮತಗಟ್ಟೆಯ ಅಧಿಕಾರಿಗಳು, ಸಿಬ್ಬಂದಿಗಳು, ಭದ್ರತಾ ಸಿಬ್ಬಂದಿಗಳು ಮಹಿಳೆಯರೇ ಆಗಿದ್ದು ವಿಶೇಷವಾಗಿತ್ತು. ಸಖಿ
ಮತಕೇಂದ್ರಕ್ಕೆ ಸ್ವಾಗತ ಕೋರುವ ಪ್ರವೇಶ ದ್ವಾರವನ್ನು ಮಾವಿನ ತೋರಣ, ಬಾಳೆ ಕಂದುಗಳಿಂದ ಸಿಂಗರಿಸಲಾಗಿತ್ತು. ಸ್ವಾಗತ
ಕೋರುವ ನಾಮಫಲಕ ಹಾಕಲಾಗಿತ್ತು. ಮತಕೇಂದ್ರದ ಒಳ ಭಾಗದಲ್ಲಿ ಬಣ್ಣದ ಕಾಗದಗಳಿಂದ ಸಿಂಗರಿಸಲಾಗಿತ್ತು. ನೀರಿನ
ವ್ಯವಸ್ಥೆ ಮಾಡಲಾಗಿತ್ತು.

ಸಖಿ ಮತ ಕೇಂದ್ರದಲ್ಲಿ ಪಿಆರ್‌ಒ ಆಗಿ ಸಾಂಖ್ಯಿಕ ಇಲಾಖೆಯ ಹುಮಾ ರಷೀದ್‌, ಅಧಿಕಾರಿಗಳಾಗಿ ನವನೀತಾ, ಸಹಕಾರ
ಇಲಾಖೆಯ ಲಕ್ಷ್ಮೀದೇವಿ, ತೋಟಗಾರಿಕೆ ಇಲಾಖೆಯ ಪುಷ್ಪಾ ಕಾರ್ಯನಿರ್ವಹಿಸಿದರು.