ಟೋಕಿಯೊ ಒಲಿಂಪಿಕ್ಸ್ ನ ಮೊದಲ ಬಂಗಾರಕ್ಕೆ ಗುರಿಯಿಟ್ಟ ಚೀನಾದ ಶೂಟರ್

ಟೋಕಿಯೊ: ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಪಾರಮ್ಯ ಮೆರೆಯುವ ಚೀನಾ ಅದಾಗಲೇ ಮೊದಲ ಪದಕ ಪಡೆದುಕೊಂಡಿದೆ. ಟೋಕಿಯೊ ಒಲಿಂಪಿಕ್ ನ ಮೊದಲ ಪದಕ ಚೀನಾ ಪಾಲಾಗಿದೆ.

ಮಹಿಳೆಯರ 10 ಮೀಟರ್ ಏರ್ ರೈಫಲ್ ವಿಭಾಗದಲ್ಲಿ ಚೀನಾದ ಯಾಂಗ್ ಚಿಯಾನ್ ಅವರು ಬಂಗಾರದ ಪದಕಕ್ಕೆ ಗುರಿಯಿಟ್ಟಿದ್ದಾರೆ. 251.8 ಅಂಗಳೊಂದಿಗೆ ಚೀನಾದ ಶೂಟರ್ ಒಲಿಂಪಿಕ್ ದಾಖಲೆ ಬರೆದರು. ರಷ್ಯಾ ಮತ್ತು ಸ್ವಿಜರ್ ಲ್ಯಾಂಡ್ ನ ಸ್ಪರ್ಧಿಗಳು ಕ್ರಮವಾಗಿ ದ್ವಿತೀಯ ಮತ್ತು ತೃತೀಯ ಸ್ಥಾನ ಪಡೆದರು.

ಇದನ್ನೂ ಓದಿ:10 ಮೀ ಏರ್ ರೈಫಲ್ ಶೂಟಿಂಗ್: ನಿರಾಸೆ ಅನುಭವಿಸಿದ ಅಪೂರ್ವಿ ಚಂಡೆಲಾ, ಇಳಾವೆನಿಲ್

ಮಹಿಳೆಯರ 10 ಮೀಟರ್ ಏರ್ ರೈಫಲ್ ವಿಭಾಗದಲ್ಲಿ ಭಾರತದ ಅಪೂರ್ವಿ ಚಂಡೆಲಾ ಮತ್ತು ಇಳಾವನ್ನಿಲ ವಾಳರಿವನ್ ನಿರಾಸೆ ಅನುಭವಿಸಿದ್ದಾರೆ. ಈ ಇಬ್ಬರು ಶೂಟರ್ ಗಳು ಫೈನಲ್ ಗೆ ಅರ್ಹತೆ ಗಿಟ್ಟಿಸಲು ವಿಫಲರಾದರು. ಅರ್ಹತಾ ಸುತ್ತಿನಲ್ಲಿ ಇಳಾವನ್ನಿಲ ಮತ್ತು ಅಪೂರ್ವಿ ಕ್ರಮವಾಗಿ 16 ಮತ್ತು 36ನೇ ಸ್ಥಾನ ಪಡೆದರು.