ಚೀನೀಯರ ಜೀವಿತಾವಧಿ ಸರಾಸರಿ 77.93 ವರ್ಷ

ಬೀಜಿಂಗ್‌: ಕೊರೊನಾ ಹಾವಳಿ, ಆರ್ಥಿಕ ಕುಸಿತ, ಮಕ್ಕಳ ಜನನ ಪ್ರಮಾಣದಲ್ಲಿ ಕುಸಿತದ ನಡುವೆಯೂ ಚೀನೀಯರ ಜೀವಿತಾವಧಿ ಸರಾಸರಿ 77.93 ವರ್ಷಗಳಿಗೆ ಏರಿದೆ.

ಪ್ರಸ್ತುತ ಜನರಿಗೆ ತಮ್ಮ ಆರೋಗ್ಯದ ಬಗ್ಗೆ ಅರಿವು ಹೆಚ್ಚಿದೆ, ದಿನನಿತ್ಯ ವ್ಯಾಯಾಮ ಮಾಡುವುದಕ್ಕೆ ಆದ್ಯತೆ ನೀಡಿದ್ದಾರೆ.

ಅದೇ ಈ ಬೆಳವಣಿಗೆಗೆ ಕಾರಣ. ಸದ್ಯ ಚೀನದಲ್ಲಿ 26.4 ಕೋಟಿ ಮಂದಿ 60 ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿ ವರಾಗಿದ್ದಾರೆ. ಅರ್ಥಾತ್‌ ಚೀನ ಜನಸಂಖ್ಯೆಯಲ್ಲಿ ಈ ವರ್ಗದವರ ಪ್ರಮಾಣ ಶೇ.18.7 ಇದೆ. ಇದು ಚೀನ ಸರ್ಕಾರಕ್ಕೂ ಕಳವಳ ಮೂಡಿಸಿದೆ.

ಜೊತೆಗೆ ಮಕ್ಕಳು ಹುಟ್ಟುವ ಪ್ರಮಾಣವೇ ಕಡಿಮೆಯಾಗಿದೆ. ಹಿಂದೆ ಆ ದೇಶದಲ್ಲಿ ಒಬ್ಬ ದಂಪತಿಗೆ ಒಂದೇ ಮಗು ಎಂಬ ಕಾನೂನನ್ನು ಮಾಡಲಾಗಿತ್ತು. ಇದೀಗ ಒಬ್ಬ ದಂಪತಿ ಗರಿಷ್ಠ ಮೂರು ಮಕ್ಕಳನ್ನು ಹೊಂದಲು ಅವಕಾಶ ನೀಡಲಾಗಿದೆ.